Pilippi 1:26 - LON ILOPOROT LOKAPIK NATHAM NꞌREK NNONATHAM NOMAꞌROT

²⁶ othakka itti amma anappanthan attang athopira noka thon apparttakot nan iaMiccie oIeccuo nti ilon lin.

Pilippi 1:26 Iomraidhean Croise

Iuanna 16:22

Ittina inenni caꞌri cothoccokot thiak con enci, anaruk mpappimma non ana onon thapira noka ana pul pella panekot non thopira noka thon.

Iuanna 16:24

Ana manna inenni onon thakorronno ipitto lon lꞌrek ngkꞌran kin aththik. Nipitto ana onon thacco ana thopira noka thaka thoporot kirrkkir.

2 Kurunthuc 1:14

ana inakka onon thina lotteik onon thathina appik itti onon thipot ka thoura onïn ngngin ammakka onïn ipot ka thoura onon ngngin nocaꞌri coIli oIeccuo.

2 Kurunthuc 5:12

Ittina onïn thaik thakorronno ipot ka thoura attang anaruk onïn thaik thakene non lon ilanon ipot ka thoura nolon lïn ngngin othakka itti annina akka annothïnthet ul tit ipot ka thoura nolon ilimmakot ana okorronno oka nolon ilaik nomïkït.

2 Kurunthuc 7:14

Mpipothenon ka thoura ngngin tokït kung ana onon thakorronno othien cik. Anaruk ammakka lon ilanïn therntet appik lokat ïcat, ittina thipot ka thoura thïn onon ngngin tokït koThiththoc thaik ïcat cakuruk.

2 Kurunthuc 7:4

Mponekkethe cïkït nanon ana mpipot ka thoura onon ngngin. Mpopirat noka nanon akka onon therekethin, ilon lïn appik ilokithak thopira noka thin thomma ocoꞌro.

2 Kurunthuc 7:6

Anaruk Kapik ikapiet ul cik irrot mïkït nti ikarak kapiethenïn mïkït cik nthao thoThiththoc

Kalaththia 6:4

Apul okathacce ingre ngung kicce ana lon lung kappak akwopirakat noka nan akwantipot ka thoura, okorronno opri ook akkoporot noul wꞌrek.

Pilippi 3:1

Pangkingon ittina pꞌrin, nopira noka akka onon thoIli. Mpakannokinya itti mpappokurrinenon lon len. Othakka itti annikkoik thoporot nti ithongkenetta thokarra.

Pilippi 3:3

Oron akkokekkothe thokekkot ithaik ïcat, akka oron thaꞌrane Kapik ngaꞌrama ngKanang koKapik ana opira noka nothikkoik thonnon ithun unoMiccie oIeccuo. Oron thakannonekket cïkït nolon lokamuthe koka kopul iponyi

Pilippi 4:10

Mpopirat noka cannan nolon loIli akka onon thantokenen itti onon thakannure naun. Onon thokat thoꞌrumot naun anaruk onon thokat thakinniot kathar ikanon okenen ngngin itti onon thoꞌrumot naun.

Pilippi 4:4

Nopira noka noIli appinappin. Ana mpappiꞌre attang itti nopira noka.