Ngre 4:34 - LON ILOPOROT LOKAPIK NATHAM NꞌREK NNONATHAM NOMAꞌROT

³⁴ Pul pellat iakin ipiꞌre itti pellat papꞌrek. Akka ul ionat mapu ana manna kaman wokat cik akette kaman kꞌrek ken ana mapu anane ul wothothïlettat wung akucci wen

Ngre 4:34 Iomraidhean Croise

Maththa 19:21

AIeccuo othïat tit itti, “Amma ngkwongothe itti ngkwathakka poporot, ngko athokette aꞌrupu ia angkwonu appik aikket ul akucci iella aꞌrupu cik, ana ngkwiot thaꞌrthan tothiꞌrot. Ittina antanthan amakothin.”

Markkoc 10:21

AIeccuo okathakathok akwongakathok akwiꞌrekat itti, “Laik lulukku langkwarthuk okkot, ngko athokette aꞌrupu wang iangkwonu appik aikket ul iella aꞌrupu cik ana ngkwipo thaꞌrthan tothiꞌrot, anthan antathomakothin.”

Lukka 12:33

Okette aꞌrupu ia ngkwonu aikket ul iella aꞌrupu cik. Aꞌrntinthet ka kang aꞌruk wothaꞌrthan tothiꞌrot ithakorronno okïttako ana na athoꞌrumako nan ana pul pothuꞌran pella ipamunye ana na nangak nella inacukwiet.

Lukka 16:9

AIeccuo iꞌrekat itti, “Nokkot thuruko nthaꞌrthan thon thonocapu akka amma thaꞌrthan thomarttakot annina akka annikkiettaik ikaman kothupuththuput.

Lukka 22:35

Ittina aIeccuo ipittat itti, “Katha akka mpothïothenon nokurtti anthellat aꞌruk wakucci ana aꞌruk wokurtti ana wok iracok, onon nthonat thiak thaꞌrupu wꞌreki?” Akin othïat tit itti, “Onïn thellat thiak thaꞌrupu wꞌrek.”

Ngre 2:45

Akin okette aꞌrupu wen akin ikket ul aꞌrupu iellat aꞌrupu cik.

Ngre 4:37

Kwokerot kopon kung ana capu ana kwonakathe akucci akwonekkekat tokït koul wothothïlettat woIeccuo.

2 Kurunthuc 8:14

Inenni onon thonu aꞌrupu woppot, ana onon thonu itti nthittarot okkwion ithella aꞌrupu cik akka caꞌri cꞌrek, okin thana aꞌrupu wopppot ana okin thittarot non amma onon thella aꞌrupu cik. Ittina lon laka lekkaranet.

Atham iaine ul woThocculunukkia 1 4:12

Othakka itti athikkoik thon oka thoccïkakothe noul wꞌrek iakannoccokot lon loKapik ana okorronno oꞌrïkot ul wꞌrek itti wethet non aꞌrupu.

1 Thimiththaoc 6:19

Ittina okin thaik thaꞌrintinthet ka ken lon iloporot tothiꞌrot aloka ere millang mokaman ikoporot kocaꞌri icanthan, othakka itti akin ina akka akin iot thikkoik ithaik ïcarïcat.

Iakup 1:27

Thoccokot lon loKapik nomïkït ila Kapik oNgappa ponnon okatha itti thoporot ana thupupure tokït kung, itti pul pakatha lon lonyukul inya aththangon thillet nan ana muruma imari imaik nothiak ana akwoꞌrumo noka kung nolon ilokithak lonocapu ncik appik.