Ngre 12:19 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁹ Ana oIruthuc pokwancathe oPoththuruc ana kwanniathok ana kwipittathe ul iokat cik angwot cik lon ilokat cik akwiꞌrekat lon lonthomat itti okin thangutta. Ittina aIruthuc urokat nnoththok poIouthia akwoingkat nokaꞌran koKaiccaria akwothikkat cik than papotte.

Ngre 12:19 Iomraidhean Croise

Maththa 2:1

Anakka oIeccuo pokwontathe nokaꞌran koPeththelam noththok poIouthia nothuput thoIli oIruthuc, ul wꞌrek wakkakathe na cïngkï ummot ngngin aanthan nokaꞌran koUruccelim, ul wen wonat kꞌran itti Macuc

Maththa 2:13

Anakka Macuc meot, auꞌrupa wothothïlettat woIli akkakanthet oIuccip ithathantako aiꞌrekathok itti, “Uroki aneko ukul okin onnan aura aeo noththok poMuccir. Ikkoik than puccuk aniꞌrekathung caꞌri icao nan akka Ili oIruthuc paik pakwantot ukul itti kwakkwot.”

Maththa 2:16

Manakka oIruthuc paththiot itti Macuc mammikkothok, akuakat ka cannan akwiꞌrekat lon lonthomat itti nyukul inyomura inyarran nyonu itti nyangutta appik nnokaꞌran koPeththelam ana manna naꞌran iaik iccik ken, ummo nciki nonyukul inyonu luput leꞌra ana manna inyurunokwonta nomaꞌri ima kwoccïkothe lon noul woMacuc nan.

Ngre 12:18

Ana ngïꞌrïmak alon ommakekat ul irro aikkat cik aprttakot tit aere itti ngintha akka ainet oPoththuruc.

Ngre 12:4

Anakka kwoccokothok akwonekkekathok ikorrkkor, aul irro iokat mungkut mocoꞌrin ana cungkut culukku conat ul wocoꞌrin akin angwothok akamuthe koThaurrot kaman kꞌrek cik komarttakot akwantothipittakot lon tokït koul.

Ngre 12:6

Ana ngkoꞌra aIruthuc parthuk ona oPoththuruc akwothipittakot lon tokït koul ngorrot ngen, oPoththuruc pokat inthe ana nili nokat cik anangwothok akkwaik ithoꞌrkït then akkwïꞌrïkïkkakot nynyol nyeꞌra ana ul irro inangwot cik acoꞌro icürük cothapat.

Ngre 16:27

Anakka pul ipakatha lon loul ikorrkkor purttat nti inthe akwothat kꞌrittang kung ikukwit akwomekat itti kwakkwot ka kung akka kwaththiot athat waꞌran worikorrkkor awaik ncürük appik. Kwokat akwome itti ul worikorrkkor wopellet nti ikorrkkor appik.

Ngre 21:8

Ana ngorrot ngen ïnnoingkat ïnnakkakat nokaꞌran koKaiccaria ïnnikkat cik tuan toPilippic pul pothongkene lon loIeccuo nti iakkwion itheꞌreꞌrapuruk ithokat thummuntettat itti okin thikket ul thuꞌrit.

Ngre 25:13

Anakka maꞌri meot ncik motteik aili irïk Akrippac ana pul ipopari oPernic akkakat nokaꞌran koKaiccaria akin omicco oPocththoc.

Ngre 27:42

Ana ul irro wiꞌrekathe itti wangwo ul worikorrkkor akka aththouththa aeo tomarakan apelle.

Ngre 8:40

Anaruk oPilippic paththiat ka kung nokaꞌran kAcuthuth ana kwonyarathe nomoꞌrong appik akwongkene lon iloporot loIeccuo puccuk mono akwoingkat nokaꞌran koKaiccaria.