Ngre 12:11 - LON ILOPOROT LOKAPIK NATHAM NꞌREK NNONATHAM NOMAꞌROT

¹¹ Ittina oPoththuruc inakat nan itti kwokat akwokorronno athantako akwiꞌrekat itti, “Inenni Kapik kothïnthin uꞌrupa wothothïlettat wung athoꞌrethin nti ilon loIruthuc ana nti ilon ila ul woIouth waik waꞌrikot itti lakkattat naun.”

Ngre 12:11 Iomraidhean Croise

Lukka 15:17

Anaruk kwopakkekathe lon nocïkït akwiꞌrekat itti, ‘Ul wornoththa iapappa porekiet tuan ana thuꞌrit thaik thoppot ana cene anio ntï.

Ngre 12:7

Menik accokkot auꞌrupa wothothïlettat woIli ummanthet oPoththuruc ncik ngkꞌran kothik akkwathok nti inthe aiꞌrekathok itti, “Uroki cokoccokot.” Ittina anyol apukkat nnonyaun.

Ngre 24:27

Anakka luput leot ncik leꞌra, aili oPorkkioc oPocththoc opakkat noili nokaꞌran koPpelek anaruk akka oPpelek pappongothe itti kwapirie ul woIouth noka akwoththekanthet kin naPoluc ikorrkkor.

Ngre 25:9

OPocththoc pangkathe itti kwapirie ul woIouth noka akwipittat oPoluc lon itti, “Ngkwongothe itti ngkwakuꞌrot Uruccelim aul woIouth othonceꞌrenthung lon cik elli tentrei?”

Ngre 5:19

Anaruk ngkoꞌra auꞌrupa wothothïlettat woIli anyat kathat korikorrkkor ana woppiekathekin thapat nti ikorrkkor.

Ipranin 1:14

Uꞌrupa wothothïlettat woKapik appik wakanang ikareko, okin thothïlathe akin athorekine ul iaik wathopakkot nothoꞌrettat.

2 Poththuruc 2:9

Kapik kina tat akka akoꞌret ul wung nti ithiak ioꞌrumot nolon lung anaruk okin thattattakot akin thaik akin oꞌrïkot caꞌri cothonceꞌret lon cik cothupuththuput.