Maththa 6:7 - LON ILOPOROT LOKAPIK NATHAM NꞌREK NNONATHAM NOMAꞌROT

⁷ Amma annaꞌra ngaꞌrama nokorronno opakkukkwet lon tit loppot karkko ul iomma Kapik akka okin thapri itti Kapik kaccïkot kin amma akin opakkukket lon tit.

Maththa 6:7 Iomraidhean Croise

Maththa 18:17

Ana amma kwꞌrat occïkot kin, iꞌrethe ul ioccokothe lon loIeccuo iaꞌrntakothe, ana amma kwꞌrat occïkot manna ul ioccokothe lon loIeccuo iaꞌrntakothe, okathak ere pul ipomma lon loKapik ana ammakka pul ipaꞌrntot akucci.

Maththa 26:39

Kwoingkathe papotteik, akworrekat ka nocapu akweekat toca ncik akwaꞌrakat ngaꞌrama itti, “Ngappa pin, amma laka, anekothin thoccokot thiak enthi. Anaruk okonnoka ammakka mpongothe anaruk ammakka ngkwongothe.”

Maththa 26:42

Ana kwapproingkat thokaꞌran ken attang akwaꞌrakat ngaꞌrama itti, “Ngappa pin, amma lomma itti ngkwakannonekothin thoccokot thiak enthi ana mpaccokot thiak anaruk aloka ammakka ngkwongothe.”

Maththa 26:44

Kwoththekathe nakin attang ana kwoingkathe ana kwaththaꞌrakat ngaꞌrama akwokkat maꞌri mꞌrapuruk, akwopakkukkwet lon ila kwaꞌrat ngaꞌrama ngngin tokït.

Maththa 6:32

Akka ul iomma lon loKapik wammakot thuꞌrit ana aꞌrupu wꞌrek, ana oththe pon porothiꞌrot pina itti nthongothe aꞌrupu wen appik.

Ngre 19:34

Anaruk akka okin thinarok itti kwoul woIouth okin thokkathe poꞌre tothun ittaꞌrene itti, “Arththamic ponokaꞌran kApuccuc prïk.”