Maththa 6:5 - LON ILOPOROT LOKAPIK NATHAM NꞌREK NNONATHAM NOMAꞌROT

⁵ “Ana amma onon aꞌra ngaꞌrama nokorronno oka karkko ul innikot lon, akka okin thongothe itti okin thaꞌra ngaꞌrama akin ocoꞌrot kapik nomuththun maꞌrama ana iathar, othakka itti aul imma kin attattar. Mpiꞌret non lon ïcat itti okin ammakka enthrïk thoccot lon len pꞌrin.

Maththa 6:5 Iomraidhean Croise

Maththa 21:22

Ana amma onon thoccokothe lon loKapik nomïkït, onon thacco ilanon ipitto ngngaꞌrama.”

Maththa 23:13

Angkre, ul iangkene lon lothonceꞌret lon cik ana ul woPriccin, onon ithongothe itti nthinnikot lon. Onon thullukkwinthet ul kathat kongili ngorothiꞌrot. Onon ngka kon thakanniꞌriko manna tit ana onon thakannokorronno itti ul wiꞌrikorit.

Maththa 23:5

Lon ilakin okkot appik lakin okkinthet ul othakka itti aimma. Okin nthakkwekot nyamenthuk nyeꞌra nyïttïttïk angꞌrek thokkun wothokure ana angꞌrek nocuthu. Nyamenthuk nyen nyonu lon tit loKapik. Ana okin thako ere wukwirukwit alokene itti okin thothaꞌrane Kapik ngaꞌrama.

Maththa 23:6

Okin thongothe aꞌran wothothiakine cik na ul ittïttïk ikkoik nokamuthe ana okin thongothe itti okin thikkoik naꞌran ioporot nomuththun maꞌrama.

Maththa 6:1

“Noꞌrumoik, nokorronno okkot lon iloporot lon tokït koul, othakka itti akin imma non. Amma onon thokkothe ittina, ana onon thakorronno occo lon iloporot nnaththe pon ipaik tothiꞌrot.

Maththa 6:16

“Ana amma onon thocoꞌrot nothuꞌrit, annokorronno onthoma toma karkko ul innikot lon, wathikkie toma men mïrrïn othakka itti aul ina nakin itti okin thocoꞌrot nothuꞌrit. Mpiꞌret non lon ilaik ïcat itti okin ammakka enthïrïk thoccot lon len pꞌrin.

Maththa 6:2

Ana amma ngkwethet pul ipella aꞌrupu cik papꞌrek, kirrnni erene ul, ammakka okkwion ithinnikot lon okkot nomuththun maꞌrama ana iathar othakka itti aul othianekin cik. Mpiꞌret non lon ïcat itti okin ammakka enthrïk thoccot lon len pꞌrin.

Maththa 9:38

Ittina naꞌrane Ili ngaꞌrama ook iponu kopon ikakecca akwothïot ul ikkwon kung athokio.”

Markkoc 11:25

Ana amma annocoꞌro annaꞌra ngaꞌrama anthonu lon lꞌrek nomïkït mon napilingon noccïkot kin othakka itti aththe pon porothiꞌrot occïkïnthet non lon lon ilokithak cakuruk.”

Markkoc 12:38

Akka kwongkenet kin akwiꞌrekat itti, “Noꞌrumoik noul iangkene lon lothonceꞌret lon cik okin thongothe itti okin thanyaro neret iukwirukwit ana omiccako keccuk

Lukka 11:43

Angkre, ul woPriccin, akka onon thongothe aꞌran ioporot nomuththun maꞌrama ana nthongothe itti ul wamicco non keccuk.

Lukka 18:1

Ittina aIeccuo iꞌrekat ul iammakothok lon nthokkwie kuru ncik, akwokenekin itti okin nthonu itti okin thaꞌra ngaꞌrama appinappin okorronno ocoꞌro ntit.

Lukka 18:13

Anaruk pul ipaꞌrntot akucci pocoꞌrothe ciththan ciththan napilingon. Ana kwipathe nꞌre okatha tothiꞌrot ana kwonekkekathe ukun topere akkwannoka poporot noka akwiꞌrekat itti, ‘Kapik, ipi thiak thin, oun pul polon ilokithak.’”

Lukka 20:47

Okin thiꞌrikikko ikaman komuruma akin onneko aꞌrupu wen appik, ana aꞌra ngaꞌrama ngukwit. Ul ammakka enni wakkmako thakkmako thokithak cannan.”

Lukka 6:24

Anaruk angkre, ul ithathaꞌrathn akka onon thoccot lon lon pꞌrïn.

Iuanna 16:24

Ana manna inenni onon thakorronno ipitto lon lꞌrek ngkꞌran kin aththik. Nipitto ana onon thacco ana thopira noka thaka thoporot kirrkkir.

Apuccuc 6:18

Ana naꞌra ngaꞌrama appinappin ngKanang nolon appik ilannipitto kurekkurek. Ilon elli ima nokorronno ikkoik ithuman noꞌrungkot nan aꞌrane ul ipupupre woKapik ngaꞌrama appik.

Atham iaine ul woThocculunukkia 1 5:17

Naꞌra ngaꞌrama puccuk.

Iakup 4:6

Kethet ton thoporot thoppot, ilen akka atham wiꞌrenet itti, “Kapik kapakket lon loul iipot ka thoura than ana kethet ul thoporot cannan iakinnipot ka thoura.”