Maththa 6:28 - LON ILOPOROT LOKAPIK NATHAM NꞌREK NNONATHAM NOMAꞌROT

²⁸ Nthontha akka annoccot kït noret? Nantokatha poꞌren porikkwon akka apocokka. Pakannoreko apakie ka ken.

Maththa 6:28 Iomraidhean Croise

Maththa 10:10

Nokorronno oneko aꞌruk wokurtti nokurtti kon ana manna kret arttot ana wok ana urrong, akka pul ipareko ponu itti pacco aꞌrupu ia kwongothe.

Maththa 6:25

“Ittina mpiꞌret non itti nokorronno opellene lon lothikkoik itti onon thaꞌrko ngimpen ana ako ngimpen. Thikkoik thakonnoka thoporot nothuꞌriri? Ana ka kopul kakannoka koporot noreri?

Maththa 6:27

Oththa nti ianon iparttot caꞌri culukku nomaꞌri mothikkoik mung amma kwonu nꞌre?

Maththa 6:31

Ittina nokorronno ona nꞌre anniꞌre itti, ‘Onïn thaꞌrko ngimpen?’ ana ‘Ïkko ngimpen?’ ana ‘Onïn thako ngimpen?’

Lukka 10:41

AIeccuo othïanthok tit itti, “Marththa, Marththa, ngkwiꞌrikothe llon loppot ana ngkwonu kït nolon loppot.

Lukka 12:11

Amma onon thonekittathe nomuththun maꞌrama ana tokït konili ana ul ionu lon ikkun, nokorronno ipo nꞌre itti nthrrot noka kon tat ana manna itti onon thiꞌre itti tat.

Lukka 12:22

Ittina aIeccuo iꞌrekat ul iammakothok itti, “Ilen akka aniꞌrenthet non itti nokorronno opellene lon lothikkoik thon itti ngimpen akka annoꞌrko ana ngimpen akka annako.

Lukka 12:27

Nantokatha tat akka poꞌren ocokka. Pakannoreko apakie ka ken. Anaruk mpiꞌret non itti manna oCiliman nthaꞌrthan thung ithrïk, kwakannako eret wopeththere ere poꞌren empi.

Lukka 3:11

AIuanna othïat tit itti, “Okkwi iponu eret weꞌra akwethet okkwi ipellaik, ana okkwi iponu thuꞌrit kwonu itti kwakkot menik cakuruk.”

Pilippi 4:6

Nokorronno opelle anaruk amma onon aꞌra ngaꞌrama nipittot Kapik aꞌrupu appik ianon thongothe ngngaꞌrama ana ipitto nci nocïkït. Nopirane Kapik nolon ila kokkothe appik.

1 Poththuruc 5:7

Nethok lon lon ilomakethenon appik akka ook akkaik pakatha lon lon.