Maththa 27:35 - LON ILOPOROT LOKAPIK NATHAM NꞌREK NNONATHAM NOMAꞌROT

³⁵ Anakka okin thokkwethok nothapak, akin illillat iret wung nthokkwarot moꞌrio.

Maththa 27:35 Iomraidhean Croise

Lukka 23:34

OIeccuo piꞌrekathe itti, “Ngappa, occïkïnthet kin lon ilokithak akka okin thomma ilakin thaik thakkot.” Ana ul irro willillathe iret nthokkwo moꞌrio.

Iuanna 20:20

Manakkka kwomiccot kin akwokenekat kin nyaun ana iunyït, aul iammakothok opirakat noka cannan akka okin thimmat Ili oIeccuo.

Iuanna 20:25

Aul iammakothok wꞌrek iꞌrekathok itti, “Onïn thimmat Ili oIeccuo.” AThthoma omekat kin itti, “Mpakorronno occokot lon len nocïkït aththik amma mpakinnimma kaꞌran konyuppa nonyaun nyung ana othonto kaꞌran konyuppa mmaun min, ana othonto iunyït.”

Iuanna 20:27

Akwiꞌrekat oThthoma itti, “Onekkethe caun cene, antokatha nyaun nyin. Othie ukun athonto iunyït win. Kirrnni ona mïkït meꞌra ilon, occokothe lon nocïkït.”

Ngre 2:23

Pul empi pettathenon ikkun llon laKapik kinat nan ana ul iokithak wittarothenon ana onon thokkwothok nthokkwethok nothapak.

Ngre 4:10

ittina onon thonu itti nthina lon elli, onon ana ul appik woIccereil, ana laik itti pul empi ipacoꞌro tokït kon pothakkat poporot ngkꞌran koIeccuo oMiccie poNaccir ipanon thokkwothe nothapak anaruk Kapik kurokierok nti ithio.