Maththa 21:37 - LON ILOPOROT LOKAPIK NATHAM NꞌREK NNONATHAM NOMAꞌROT

³⁷ Ana menik pꞌrin, kwothïathe ukul wung akwiꞌre itti, ‘Okin thathiane ukul win cik.’

Maththa 21:37 Iomraidhean Croise

Maththa 21:36

Ittina akwappothïanthet kin ul iarekinok wꞌrek woppot ana ul iokat cik ara ikkwon wokkathekin lon ammakka okin thokkinthet pꞌrak porokït.

Maththa 21:38

Manakka akka ul iokat ara ikkon wimmat ukul, okin thikkatheik akin erettarne itti, ‘Opei empi ipapakkot nothaꞌrthan thoththan, nanthan urokkwothok aron opakkat nothaꞌrthan thoththan.’

Maththa 3:17

Apoꞌre akkakat ntothiꞌrot apiꞌre itti, “Ukul win enni ia mpongothe, mpopirat noka nan.”

Markkoc 12:6

Akwokwentakanthet pul pulukku ipa akwothïot, ukul wung ia kwongothe. Ana kwothïathe ukul wung pꞌrïn ocothot akwopri okin thathiane cik akka ukul wung.

Lukka 20:13

Ittina apul iponu kopon iꞌrekat itti, ‘Ngintha akka anokkot? Mpathïot ukul win ia mpongothe amma manna okin othiane cik.’

Iuanna 1:18

Pul pella pimmat Kapik kirrkkir. Anaruk ukul wung wulluk, iammakka Kapik ïcat ana iaik iccik kung, ien akkiniet ton Kapik.

Iuanna 1:34

Mpimmat ana mpaik piꞌre ila mpimmat itti ook ukul woKapik.”

Iuanna 3:16

Akka Kapik kongothe ul ncik nocapu appik mono akekat kin ukul wung iulukku, othakka itti amma okkwi ipoccokothe lon lokkul wen nocïkït akwokorronno io anaruk akwikkoik thupuththuput.