Maththa 21:11 - LON ILOPOROT LOKAPIK NATHAM NꞌREK NNONATHAM NOMAꞌROT

¹¹ Aul iokat cik cungkut othïat tit itti, “Ook oIeccuo pul pothernte lon loKapik ponokaꞌran koNaccir noththok poCelïl.”

Maththa 21:11 Iomraidhean Croise

Maththa 2:23

ana kwakkakathe ana kwaththikkat cik nokaꞌran koNaccir alokakat ammakka ul wothernte lon loKapik wiꞌret itti, “Kwakkarako itti pul poNaccir.”

Maththa 21:10

Anakka oIeccuo piꞌrikot nokaꞌran koUruccelim, aul appik wonokaꞌran oprttakat tit ana wipittathe itti, “Oththa empi?”

Maththa 21:26

Anaruk amma oron thiꞌret itti, ‘Noul ionyi’ oron thonu nꞌre akka ul okkot ton lon lꞌrek lokithak, akka ul appik wokat aiꞌre itti oIuanna pul pothernte lon loKapik.”

Maththa 21:46

Okin thaththongothe itti okin thaccokothok anaruk okin thonat nꞌre nocungkut coul akka ul wonat lon nomïkït itti oIeccuo pul pothernte lon loKapik.

Markkoc 6:15

Ana opilingon iꞌre itti, “Ook oIlia.” Ana opilingon iꞌre itti, “Ook pul pothernte lon loKapik ammakka pul pꞌrek nti iul wothernte lon loKapik womaꞌrot wothupuththuput.”

Lukka 13:33

Anaruk mpaik nokathar inenni ana ngorrot ana nomaꞌri imomakothe mpiꞌret non ïcarïcat itti, pul pella pothernte lon loKapik piot nokaꞌran koka nokaꞌran koUruccelim.”

Lukka 24:19

AIeccuo ipittat kin itti, “Ngintha akkokat cik.” Akin othïat tit itti, “Ilokkattathe naIeccuo poNaccir ipokat pul pothernte lon loKapik ipinat cik nthere lon ana ngre tokït koKapik ana tokït koul appik.

Lukka 7:16

Akin irrat mïkït nti ikarak appik akin opirakanthet Kapik noka akin iꞌrekat itti, “Pul pothernte lon loKapik iprïk pummothe ncik ithoꞌrkït thonnon inenni.” Akin iꞌrekat itti, “Kapik kaat kaththittarot ul wung.”

Lukka 7:39

Akka pul poPriccin ipakkarothe oIeccuo tuan pimmat pul ipopari akka apokkot, akwiꞌrekat noucce wung itti, “Amma pul empi pappokat pul pothernte lon loKapik ïcat painat itti pul ipopari empi pia ipaathntok ana pokithak polon ilokithak.”

Iuanna 1:21

Akin ipittathok itti, “Ana oung okkwen? Oung oIliai?” Ana kwiꞌrekathe itti, “Mpakannoka oIlia.” Ana okin thipittathok itti, “Ana oung pul ipernte lon loKapiki?” Kwothïanthet kin tit itti, “Aa.”

Iuanna 1:25

ipittat oIuanna itti, “Ana ngkwonin akka aethet ul mamuthie amma ngkwannoka oMiccie ana manna okonnoka oIlia ana manna okonnoka pul pothernte lon loKapik?”

Iuanna 4:19

Apul ipopari iꞌrekat itti, “Ili, mpakatha ere ngkwapul potherente lon loKapik.

Iuanna 6:14

Anakka ul wimmat lon ilommaththik ila oIeccuo pokkothe, okin thikkatheik akin ere itti, “Ïcarïcat pul empi pothernte lon loKapik ipokat ponu itti panthan nocapu ncik appik.”

Iuanna 7:40

Anakka ul woccïkothe lon lung, wꞌrek wiꞌrekathe itti, “Ïcat pul empi papul pothernte lon loKapik.”

Iuanna 9:17

Ittina pꞌrïn akin appopakkanthet pul ipokat piꞌrimathe akin ipittathok itti, “Ngkwiꞌre itti oththa akka akkanyinthung kït? Kït kang akka kwanyothe.” Apul othïanthet kin tit itti, “Ook pul pothernte lon loKapik.”

Ngre 7:37

OMucca pen ipiꞌrethe ul woIccereil itti, ‘Kapik kanekkenthet non pul pꞌrek pothernte lon loKapik nti ianon pammakka oun nti iul wonnon.’