Maththa 11:25 - LON ILOPOROT LOKAPIK NATHAM NꞌREK NNONATHAM NOMAꞌROT

²⁵ Nocaꞌri cen aIeccuo iꞌrekat itti, “Mpapiranung noka, ngappa, Ili worothiꞌrot ana wonocapu, akka ngkwamuꞌruttothe ul inaik nti ima ana inaik kicce lon elli ana ngkwittinet ul iommaik.

Maththa 11:25 Iomraidhean Croise

Maththa 16:17

AIeccuo othïat tit itti, “Ngwethïettat, Camaan ukul woIunan, pul iponyi akkakannokeneng elli, anaruk ongappa ci tothiꞌrot akkokenerung.

Maththa 21:16

Okin thipittathe oIeccuo itti, “Ngkwoccïkothe lon ila nyukul nyaik nyerei?” AIeccuo othïanthet kin tit itti, “Ïï mpoccïkothe. Onon thannakkakkaro lon ilaik iatham? Iliꞌre itti, ‘Oung Kapik akkongkenet nyukul inyako ana inyarran lon ilakin thopiranet Kapik noka ngngin.’”

Lukka 22:42

“Ngappa, amma ngkwongothe, onekothin thoccokot thiak enthi, annoka ammakka mpongothe, anaruk ammakka ngkwongothe.”

Lukka 23:34

OIeccuo piꞌrekathe itti, “Ngappa, occïkïnthet kin lon ilokithak akka okin thomma ilakin thaik thakkot.” Ana ul irro willillathe iret nthokkwo moꞌrio.

Iuanna 11:41

Okin thopaꞌrekathe pothok cik aIeccuo okathakat tothiꞌrot akwiꞌrekat itti, “Ngappa, mpopiranung noka akka ngkwoccïkothin.

Iuanna 12:27

Mpaik piirro cïkït nti icarak cannan ana mpomma akka aniꞌre, ‘Ngappa oꞌrethin nolon ilaik lainin’? Anaruk ilen akka mpainet nocaꞌri enci.

Iuanna 12:28

Ngappa, athrïk oka nokꞌran kang.” Ittina apoꞌre akkakat ntothiꞌrot apiꞌre itti, “Mpethet thrïk ana mpappethet thrïk attang.”

Ngre 17:24

Kapik ikokkothe capu ncik appik ana aꞌrupu iaik tit appik, iken Ili worothiꞌrot ana wonocapu ncik appik ana kannikkoik nonupan noKapik inuntat nyaul ionyi.

1 Kurunthuc 2:10

Anaruk Kapik kokenet ton nan ngKanang kung. Kanang ikupupure kakwariccat cik iaꞌrupu appik ana manna ciki icarak caꞌrupu woKapik.

2 Kurunthuc 3:14

Anaruk nyatheꞌre nyen nyokat nyïꞌrïmiettathe, manna inenni kret ken koꞌrungkothe cik amma thonekket lon cik ithïpe akkakkarako ntiatham wolon lothonceꞌret lon cik. Kakorronno opaꞌretta cik akka oMiccie pulluk akkathopaꞌre cik.