Maththa 11:10 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁰ Akka elli lokurrakot iatham leret oIuanna itti, ‘Mpathïot pul pothothïlettat pin tokït kang, okkwi ipathokuccenthung kathar cik.’

Maththa 11:10 Iomraidhean Croise

Maththa 11:11

Mpiꞌret non lon ilaik ïcat itti, nti iul enni appik iokwontat nti iul iari, pul pella kirrkkir prïk naIuanna pomamuthie anaruk okkwi ipellakot lon len ingili ngorothiꞌrot prïk naak.

Maththa 11:3

athipittothok itti, “Oung oMiccie ipa oIuanna piꞌret ngngin itti kwaik panthani ana manna itti onïn thaꞌrïkot opilin pꞌrek?”

Maththa 3:3

Ana oIuanna akka oIccaia pul pothernte lon loKapik pokat perethe llon itti, “Poꞌre popul paik pakkaro nti ithampang ithonthomat, itti ‘Nokuccenthet Ili kathar cik ana oceꞌrenthok kathar cik.’”

Markkoc 1:2

Lokurrakot iatham woIccaia pul pothernte lon loKapik itti, “Mpathïot pul pothothïlettat pin tokït kang, ook ipathokuccenthung kathar cik.”

Lukka 1:76

“Ana oung ukul win, ngkwakkarako itti pul pothernte lon loKapik kocittothiꞌrot ngkwaeo tokït koIli akuccenthok kathar,

Iuanna 1:23

OIuanna pothïatherit llon lopul pothernte lon loKapik oIccaia iliꞌre itti, “Oun poꞌre ipaik pakkakkaro nti ithampang, apiꞌre itti, ‘Nokkinthet Ili kathar kocoꞌrotheik.’”