Maththa 10:5 - LON ILOPOROT LOKAPIK NATHAM NꞌREK NNONATHAM NOMAꞌROT

⁵ Anakka oIeccuo pokat cik akwothïot kin ithattul ana ikken keꞌra kwiꞌrekathe itti, “Nokorronno eo noththok poul iakannoka woIouth ana nokorronno iꞌriko naꞌran wꞌrek woul woCcamirin.

Maththa 10:5 Iomraidhean Croise

Maththa 22:3

Kwothïathe ul iarekinok athakkakkaro ul iokat wakkarakot itti wanthan ithïpa anaruk wꞌrakathe anthan.

Maththa 4:15

“Pothok poCapulun ana pothok poNapththalim ipaik ikathar korok irapangka toCelïl eo norue thokꞌrakan koÜrüthün, Celïl coul iakannoka woIouth,

Markkoc 6:7

Kwakkarathe okin ithattul ana ikken keꞌra (12) akwothïlekat kin theꞌra theꞌra naꞌran kurekkurek ana kwekathekin ngili akin okïcce uꞌrupa iokithak.

Lukka 10:1

Anakka lon elli locothakothe, aIli oIeccuo ocumat ul arrial wꞌrapuruk ana alkaire ana ikken keꞌra (72) ana kwothïlekathekin tokït kung theꞌra theꞌra ana naꞌran appik ia kwokat cik akweo nan.

Lukka 10:33

Anaruk apul poul woCamirin pokat cik apeo nokurtti, apakkakat na pul pokat cik anakka pimmarok apipat thaik thung.

Lukka 17:16

Akworrekat ka kung iracok toIeccuo akwopirakanthok noka ana kwokat poul wonoththok poCcamirin.

Lukka 9:1

Anakka oIeccuo pakkarot ul wung ithun wothothïlettat iattul ana ikken keꞌra, kwekathekin ngili ingakin okïcce uꞌrupa iokithak ngngin ana ittiet ul iongo ngngin.

Lukka 9:2

Ana kwothïathekin akin othongkene lon longili ngoKapik ana ittiet ul iongo.

Iuanna 17:18

Ammakka ngkwothïothin nocapu ana mpothïothekin nocapu cakuruk.

Iuanna 20:21

AIeccuo appomiccat kin akwiꞌrekat itti, “Ntharaththa? Ana ammakka ongappa pothïothin mpantappothïot non.”

Iuanna 4:20

Ongappan thoul woCamiria thokat cik akin aꞌrat ngaꞌrama nocoꞌrong enci anaruk onon ul woIouth thiꞌret itti kaꞌran nanïn thonu itti ïnthaꞌrat ngaꞌrama kaik nokaꞌran koUruccelim.”

Iuanna 4:5

Ittina kwakkakathe nokaꞌran ikoccot kꞌran itti Cukar noththok poCcamira iccik kocapu ica oIakup pethet opei oIuccip.

Iuanna 4:9

Apul ipopari poCamirin iꞌrekathok itti, “Oung pul poul woIouth ana oun pul poul woCamirin ana ngkwipittothin itti mpethung ngꞌri taththa?” (Akka ul woIouth wakïnnïkkarot ngꞌri okin ul woCamirin.)

Iuanna 7:35

Aul woIouth erettaranthet itti, “Pul empi pongothe itti paeo kartha othakka itti aron okorronno iothok? Kwaeo na ul wonnon iopettakotheik iul iakannoka ul woIouthi akwothongkene ul iakannoka woIouthi?

Iuanna 8:48

Aul woIouth iꞌrekat oIeccuo itti, “Lon lïn lakannoka ïcat itti ngkwonoul woCcamirin ana ngkwannoka pïn ana ngkwonu uꞌrupa iokithaki?”

Ngre 1:8

Anaruk onon thacco puꞌran amma Kanang ikupupure kaat nanon ana onon thaka ul win iimmat lon ngkït ana onon akkaka ierene opilingon lon lin nokaꞌran koUruccelim ana noththok poIouthia ana noththok poCcamira ana nocapu ncik appik.”

Ngre 10:45

Aul ioccokothe lon loIeccuo iokat ul woIouth iaat okin oPoththuruc oprttakat tit akka Kanang ikupupure kaul iakonnoka woIouth woccot cakuruk.

Ngre 8:1

Ana oCcaul piꞌrekathe itti oIciththippanuc itti kwio okkuttat nti ikkun. Nocaꞌri cen, thoccokiettat thiak thoul ioccokothe lon loIeccuo thurokathe ncik nokaꞌran koUruccelim, aul opettakat cik appik ioccokothe lon loIeccuo noththok poIouthia ana poCcamira, aul wothothïlettat woIeccuo wuluk okwentakat.

Atham iaine ul woThocculunukkia 1 2:16

Okin cakuruk manna thenekke itti okin thaꞌramittot nïn nti ithongkene ul iakonnoka woIouth lon loKapik akka akin oꞌrettat. Ittina menik okin thaik akin arttot nolon len ilokithak. Anaruk inenni Kapik kaik kathua ka ken.