Maththa 10:41 - LON ILOPOROT LOKAPIK NATHAM NꞌREK NNONATHAM NOMAꞌROT

⁴¹ Okkwi ipikkiet pul pothernte lon loKapik cik akka pernte lon loKapik, kwakketta llon iloporot lopul pothernte lon loKapik, okkwi ipikkiet pul cik ipoporot akka poporot kwakketta llon iloporot lopul ipoporot.

Maththa 10:41 Iomraidhean Croise

Maththa 16:27

Akka ukul wopul iponyi waik wanthan nthrïk thoththan pung nuꞌrupa wothothïlettat woKapik, ana kwakke ul wululuk llon ilakin thokkothe.

Maththa 25:44

Okin then thathïot tit itti, ‘Ili, onïn thiothung kartha angkwiamat ana manna apica pokkwothung ana manna angkwakwat ana manna angkwacunthut ana manna angkwongo ana manna angkwaik ikorrkkor ana onïn thakannittarothung?’

Maththa 25:45

Ana Ili wathïot tit itti, ‘Mpiꞌret non ilaik ïcat itti ilanon thakannokkinthet okkwi ipotte nti iapangkingon enthi, onon thakannokkinthin.’

Maththa 6:1

“Noꞌrumoik, nokorronno okkot lon iloporot lon tokït koul, othakka itti akin imma non. Amma onon thokkothe ittina, ana onon thakorronno occo lon iloporot nnaththe pon ipaik tothiꞌrot.

Maththa 6:18

othakka itti aul okorronno ina itti ngkwocoꞌrot nothuꞌrit, anaruk aththe pulluk pang akkina ipakinnimmako ook ipimma lon ilamuꞌruttakot ncik ook akkethung lon lang.”

Maththa 6:4

othakka itti athethet thang oka thamuꞌruttakot ncik. Ittina oththe pang ipimma lon ila ngkwokkothe nthuꞌran pethung lon iloporot.”

Maththa 6:6

Anaruk amma ngkwongothe itti ngkwaꞌra ngaꞌrama iꞌriki noppan aunukkwo kathat aꞌrane oththe porothiꞌrot ngaꞌrama ipakinnimmako, ook ipimma lon ilamuꞌruttakot ncik ook akkethung lon lang.

Maththa 7:8

Akka okkwi ipipitto lon kwettat ana okkwi ipakwantot kwiot ana okkwi ipipitto thittarakot ana kwittarakot.

Ngre 16:15

Anakka kwoccot mamuthie okin oul wung woruan appik kwakkarathenïn itti onïn thaeo tuan thanung ana kwiꞌrekathe itti, “Nanthan annathikkoik tuan thanin amma onon akkakatha itti oun pul ipoccokothe lon loIli.” Ana kwoꞌramittathenïn than ana onïn thoccïkathe lon lung.

Roma 16:23

OKaioc okkwi ipikkierin cik ana ul ioccokothe lon loIeccuo appik paik pamicco non. Aracththoc okkwi ipaccokot akucci wonokaꞌran ana opang ponnon oKkuarththoc thaik thamicco non.

1 Kurunthuc 9:17

Ana amma anongkene nuthuk, mpakketta anaruk mpaik pakkot ammakka ngre iaKapik kethin itti mpakkot.

Ipranin 6:10

Kapik kakannokwïet lon ana kakannure nore ngon ana thongat ithanon thokenerok nthittarot ul wung ana nthittarot ithanon thoꞌrungkothe nan ittarot kin.

2 Iuanna 1:8

Noꞌrumoik othakka itti annokorronno uret ngre cik ianon thorekot anaruk aKapik okkenon kicce.