Maththa 10:1 - LON ILOPOROT LOKAPIK NATHAM NꞌREK NNONATHAM NOMAꞌROT

¹ OIeccuo pakkarathe ul wung iammakothok iattul ana ikken keꞌra (12) ana kwekathekin puꞌran akin okïcce uꞌrupa iokithak ngngin ana ittiet ul iongo mmio kurekkurek.

Maththa 10:1 Iomraidhean Croise

Maththa 19:28

AIeccuo iꞌrekat kin itti, “Mpiꞌret non lon ilaik ïcat, nocaꞌri ica ongappa athoprtto lon cik ilie ana ukul wopul iponyi ikkoik noprrok pothrïk thung, onon ithommakothin thikkoik norrok iattul ana ikken keꞌra cakuruk, ana akkma ul woIccereil mothok mothok imattul ana ikken keꞌra.

Maththa 26:20

Anakka cipin capot, oIeccuo pokat cik akwikkoik othïngkakot kriki kothokkun wothokureokin oul iammakothok iattul ana ikken keꞌra iccik kokuppuꞌrung kothuꞌrit.

Maththa 26:47

Anakka oIeccuo pokat cik akwere, aIoutha okkwi ipokat nti iul iattul ana ikken keꞌra akkakat. Kwokat ponat cungkut coul wonu iꞌrittang iukwit wukwit ana muꞌrang, aul ittïttïk wonoppan toKapik ana ul ittïttïk woul akkothïothekin.

Maththa 4:23

OIeccuo pikkatheik akwonyaro naꞌran woCelïl akwongkenet ul nomuththun maꞌrama, akwerenekin lon iloporot longili ngoKapik ana akwittiet ul appik iokat wongo.

Maththa 6:13

Kirrnni apiet nïn ithenekketta anaruk oꞌrethenïn nti ilon lopul pothopulut.’

Maththa 9:35

OIeccuo pokkettekathe naꞌran appik akwongkene nomuththun maꞌrama ana ere lon iloporot longili ngoKapik ana ittiet ul nomio imokat kurekkurek appik.

Maththa 9:38

Ittina naꞌrane Ili ngaꞌrama ook iponu kopon ikakecca akwothïot ul ikkwon kung athokio.”

Lukka 10:19

Ana mpethet non puꞌran annokakꞌrot inyil cik ana ünü ana alkot puꞌran popul pothopulut.

Lukka 21:15

Akka mpethet non lon ana thinaik nti ima othakka itti amma annerene ul iꞌrat non akin occïkot lon lon.

Lukka 24:49

Ana mpaik pathothïnthet non ila ngappa papponekketheik, anaruk nikkoik nokaꞌran koUruccelim puccuk Kanang ikupupure akkakanthet non akoppappakat ianon mpuꞌran ntothiꞌrot.”

Lukka 6:13

Akka ngorrot ngothakkat, akwakkarat ul iammakothok ana kwipathe ul cik iattul ana ikken keꞌra, okin then itha kwothikkiet ul wothothïlettat

Iuanna 17:2

Akka ngkwethok ngili ikkun ngolon loul appik itti akwethet kin thikkoik thothupuththuput okkwion itha ngkwethok.

Iuanna 3:27

OIuanna pothïatherit itti, “Pul pacco aꞌrupu amma Kapik kethok tulluk.

Iuanna 3:35

Oththan pokkul pongothe ukul ana kwethok lon ikkun wung appik.

Iuanna 6:70

AIeccuo othïat tit itti, “Oun akkakannakkaronon ithattul ana ikken keꞌrai? Ana icci okkulukku ntianon pothakkat pul pothopulut.”

Ngre 1:8

Anaruk onon thacco puꞌran amma Kanang ikupupure kaat nanon ana onon thaka ul win iimmat lon ngkït ana onon akkaka ierene opilingon lon lin nokaꞌran koUruccelim ana noththok poIouthia ana noththok poCcamira ana nocapu ncik appik.”

Ngre 19:15

Ana caꞌri cꞌrek auꞌrupa iokithak iꞌrekat kin itti, “Onïn thina oIeccuo ana onïn thina oPoluc anaruk onon okkwen ngon.”

Thitto 12:1

Ana lon ilommaththik ana lïttïk lokakatheik tothiꞌrot. Lon len lokat cik ittina, pul ipopari pakot cïngkï noka ana pokat cik apocoꞌro nokwanok ana pakot cupul ica conu mothot nan attul ana ikken keꞌra.