Maththa 1:2 - LON ILOPOROT LOKAPIK NATHAM NꞌREK NNONATHAM NOMAꞌROT

² Aprein pokwonot oIccaak ana oIccaak pokwonot oIakup ana oIakup pokwonot oIoutha akin opangon,

Maththa 1:2 Iomraidhean Croise

Maththa 1:1

ꞌRan enni wothiki thoIeccuo oMiccie ukul woThauth, ukul wAprein.

Maththa 1:3

ana oIoutha pokwonot oPparic ana oThara nti iaThthamar ana oPparic pokwonot Accrun ana Accrun pokwonot oRam,

Ngre 7:8

Ittina Kapik konekkekanthet Aprein lon cik llon lothokekkot ana Aprein pokwonathe oIccaak ana kwokekkiekathok akkwonu maꞌri mormor akka kwokwontat. Ana oIccaak pokwonathe oIakup ana kwokekkiekathok ana oIakup pokekkiekathe nyukul nyung inyattul ana ikken keꞌra ammakka thiki thongappan thonnon.”

Ipranin 11:11

Nthoccokot lon loKapik nocïkït Aprein okin opari oCcara, thokwonathe ukul akin thukkwat ana oCcara pokat pucung. Aprein pothakkakathe oththan ponyukul akka kwonat lon nocïkït itti Kapik ikonekkenthok lon cik kannoprtto lon cik.

Ipranin 7:14

Akka linako nan itti ili oIeccuo wokwontat nothiki thoIoutha, ana thonceꞌret lon cik thoMucca thakanneret lon len akka therethe ul wonoppan toKapik.

Thitto 7:5

Ul woIoutha wokat athar attul ana ikken weꞌra (12,000) iokkattanthet urret. Ul woRopin wokat athar attul ana ikken weꞌra (12,000) iokkattanthet urret. Ul woCath wokat athar attul ana ikken weꞌra (12,000) iokkattanthet urret.