Markkoc 8:29 - LON ILOPOROT LOKAPIK NATHAM NꞌREK NNONATHAM NOMAꞌROT

²⁹ Ana kwipittathekin itti, “Ana onon thiꞌre itti oun oththa?” APoththuruc othïat tit itti, “Oung oMiccie.”

Markkoc 8:29 Iomraidhean Croise

Markkoc 4:11

Akwomekat kin itti, “Kumitta kongili ngoKapik kokenettat non anaruk pꞌrak iparon thakannoka uraththungon, piꞌrettat lon appik nthokkwie lon kuru ncik.

Lukka 9:20

AIeccuo ipittat ul wothothïlettat wung itti, “Ana onon there tat? Onon thame itti oun oththa?” APoththuruc iꞌrekat itti, “Oung oMiccie pothïlathe noKapik.”

Iuanna 11:27

Akwothïanthet oIeccuo tit itti, “Ili, mpoccokothe lon nocïkït itti, oung oMiccie, ukul woKapik okkwi ipokat ponu itti kwanthan nocapu ncik appik.”

Iuanna 4:42

Okin thiꞌrekathe pul ipopari itti, “Onïn thaik thakannoccokot lon nomïkït mïn nti ilon ila ngkwiꞌret tulluk anaruk nti ilon ila anïn thoccïkothe nunu wïn, ana onïn thina pꞌrïn itti pul empi pothoꞌret ul ncik appik.”

Iuanna 6:68

ACcamaan oPoththuruc othïanthok tit itti, “Ili, onïn thaine oththa? Akka oung akkonu lon lothikkoik lothupuththuput.

Iuanna 6:69

Onïn thoccokothe lon nomïkït ana onïn thina itti oung ipupure poKapik.”

Ngre 8:36

Anakka okin thokat cik nokathar, akin iat kaꞌran kꞌrek konu ngꞌri apul pen iꞌrekat oPilippic itti, “Katha ngꞌri ngei cene mpakannocco mamuthie akaintha?”

Ngre 9:20

Ana kwikkatheik akwere nomuththun maꞌrama itti oIeccuo ukul woKapik.

1 Poththuruc 2:7

Ana pothok empi poporot nanon, onon ithoccokothe lon loIeccuo nomïkït. Anaruk noul iakanno occokot lon loIeccuo nomïkït, “Pothok ipa ul iuno wꞌrat pothakkat cillang,”

1 Iuanna 4:15

Okkwi ipangkothe itti oIeccuo ukul woKapik, Kapik kaik naak ana kwaik okin oKapik.

1 Iuanna 5:1

Okkwi ipoccokothe lon nocïkït itti oIeccuo ook oMiccie pokwontat noKapik, ana okkwi ipongothe Oththan pokkul kwangat ukul wung cakuruk.