Markkoc 8:17 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁷ AIeccuo inakat nolon len akka okin therethe akwipittat kin itti, “Onon thontha akka annere itti onon thella arrakith? Onon tharthuk immaik ana inaiki? Ma mon marthuk monthomari?

Markkoc 8:17 Iomraidhean Croise

Maththa 12:15

Anakka oIeccuo pinat nolon len, akwoththekat nokaꞌran ken. Ul womakathok woppot, ana kwittiekathekin appik ithongat,

Maththa 15:17

Nthomma itti aꞌrupu iartta wuo icarak ana nti icarak wakinyakoi?

Maththa 16:7

Aul iammakothok erettaranthet lon elli thellek akin iꞌrekat itti, “OIeccuo paik pere ittina akka oron thakannona arrakith.”

Markkoc 16:14

Nomaꞌri motte aIeccuo ummanthet ul iammakothok iattul ana ikken culukku akin thokat cik akin oꞌrkoik, akwothirriekat kin cik akka okin thellat thoccokot lon nomïkït ana thonthomat mïkït men akka okin thꞌrat occïkot lon lokkwion ithimmarok akka kurokot ntit nti ithio.

Markkoc 2:8

OIeccuo pinakathe nolon len ngka kung accokkot ilakin thokat cik akin okwarttikot nomïkït men ana kwiꞌrekathekin itti, “Ngintha akka annokwarttikinthet lon elli ittina?

Markkoc 3:5

Kwokathakathekin akua ka nolon lothonthoma ma then. Ana kwiꞌrekathe pul itti, “Othie ukun ntit.” Ana pul pothiekathe ukun ana wothakkakathe woporot.

Markkoc 6:52

Akka okin thokat thakinnina lon ilommaththik ila oIeccuo pokkothe akka kwoꞌrikiet ul woppot arrakith wotte ana ape akka mïkït men mokat munukkwakothe.

Markkoc 8:16

Okin therettaranthet akin iꞌrekat itti, “Kwiꞌret ittina akka oron thella arrakith.”

Lukka 24:25

Kwiꞌrekathekin itti, “Nthontha akka nthommaik ittina ana nthannoka thacokoccokot nthoccokot lon nomïkït ila ul wothernte lon loKapik weret.

Iuanna 16:30

Ittina onïn thimmat itti ngkwina lon appik ana lakorronnoka manna itti ngkwipittakot lon lꞌrek, elli lakorronnonïn, anïn occokot lon nomïkït itti ngkwaat noKapik.”

Iuanna 21:17

Ana kwothikkiekathe maꞌri mꞌrapuruk akwipittothok itti, “Camaan ukul woIuanna, ngkwongothini?” APoththuruc uakat ka akka oIeccuo pipittothok lon othikkie maꞌri mꞌrapuruk itti, “Ngkwongothini?” Akwomekathok itti, “Ili win, ngkwina lon appik ana ngkwina itti mpongothung.” AIeccuo iꞌrekathok itti, “Oꞌrkie lungkat lin cik.

Thitto 2:23

Mpangwo nyukul nyung. Ittina mungkut moul ioccokothe lon loIeccuo mina itti oun okkwi ipakwantot mïkït moul ana nyatheꞌre nyen ana mpakkenon thuluk thuluk ammakka ngre ianon thorekot.