Markkoc 6:37 - LON ILOPOROT LOKAPIK NATHAM NꞌREK NNONATHAM NOMAꞌROT

³⁷ Anaruk kwothïatherit itti, “Nethet kin alpꞌrek akin oꞌrko.” Okin thiꞌrekathok itti, “Elli lonu itti pul pareko anok mormor apantokero arrakith iekko noul enni appik.”

Markkoc 6:37 Iomraidhean Croise

Maththa 14:16

AIeccuo othïat tit itti, “Okin thonu itti okin thakanneo. Nethet kin aꞌrupu wꞌrek akin oꞌrko.”

Maththa 18:28

Anaruk akka pul pen peot thapat, apiat okarkung pꞌrek ipa kwapponat kamucu nan kakucci wotteik. Kwapathe naak akwikkat cik akwokkwekok akwiꞌrethok itti, ‘Ethin kamucu kin.’

Markkoc 6:36

Omethe ul apettakot cik othakka itti akin eo naꞌran iccik konnon akin othokerine ka ken alpꞌrek akin oꞌrko.”

Markkoc 6:38

AIeccuo ipittat kin itti, “Ngkonon annothokatha, onon thonu arrakith wornoththa?” Anakka okin thiothe akin iꞌrekat itti, “Arrakith ukuluk ana ape weꞌra.”

Lukka 7:41

AIeccuo iꞌrekathok itti, “Pul pꞌrek pappethet ul weꞌra akucci ngkamucu itti okin thathopakkenthok, opilin poccot arrial ukuluk maꞌri ukuluk (500) ana opilin arrial weꞌra ana alkaire (50).

Lukka 9:13

AIeccuo iꞌrekat kin itti, “Nethet kin apꞌrek akin oꞌrko.” Akin othïat tit itti, “Onïn thonu arrakith ukuluk tulluk ana ape weꞌra. Ngkwongothe itti oron thathokerine ul enni appik thuꞌriri?”