Lukka 6:17 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁷ Kuathe ntan nnocoꞌrong akin oul wung iammakothok akin ocoꞌrat nothampang. Ul iammakothok wokat cik woppot ana ul cakuruk woppot iaat nnoththok poIouthia ana nokaꞌran koUruccelim ana naꞌran iaik iccik korok irapangka toCcur ana toCcithon,

Lukka 6:17 Iomraidhean Croise

Maththa 11:21

Akwiꞌrekat itti, “Angkre, ul woKuruccin ana ul woPeththcceitha akka onon thaccokot thiak amma lon ilommaththik ilokkattathe ianon lalokkattathe nokaꞌran koCcur ana koCcithon, ul wonaꞌran wen waapaꞌrinet lon cik ilokithak akkomaꞌrot okin thako aꞌrupu iakene itti okin thaik ithmeru ana ipot mucuk ima.

Maththa 12:15

Anakka oIeccuo pinat nolon len, akwoththekat nokaꞌran ken. Ul womakathok woppot, ana kwittiekathekin appik ithongat,

Maththa 14:14

Anakka oIeccuo porpotheik nocapu nti ikuppuꞌrung konoiꞌri akwimmakat cungkut coul woppot akwipat thiak then ana kwittiekathe okkwion ithokat thongo.

Maththa 15:21

OIeccuo poththekathe nokaꞌran ken akwoingkat nocik iccik kokaꞌran koCcur ana koCcithon.

Maththa 5:1

Anakka oIeccuo pimmat cungkut coul akwokuꞌrat noꞌra wocoꞌrong akwikkat cik. Ul iammakothok wakkakanthok,

Lukka 5:15

Ana lon loIeccuo lappaththakatheik cannan itti kwaik pittiet ul ana ul wakkakathe athoccïkot lon lung ana othakka thoporot nomio men.

Lukka 6:12

Caꞌri cen oIeccuo pokuꞌrathe tocoꞌrong akwothaꞌra ngaꞌrama ana kwaꞌrakathe ngaꞌrama nokkꞌrokkꞌra.

Lukka 6:16

ana oIoutha ukul woIakup, ana oIoutha Icikkariuththi ipokerathe oIeccuo nili.

Lukka 6:18

okin ithaat itti okin thathoccïkot lon lung ana ittiettat nomio men. Okkwion itha uꞌrupa iokithak wokkiethe thiak appik thittakathe.