Lukka 4:25 - LON ILOPOROT LOKAPIK NATHAM NꞌREK NNONATHAM NOMAꞌROT

²⁵ Mpapakkenthet non tit itti muruma mokat cik moppot noththok poIccereil nocaꞌri copul pothernte lon loKapik oIlia ana noluput ilꞌrapuruk ana appꞌrut tï toꞌratheik noththok.

Lukka 4:25 Iomraidhean Croise

Maththa 20:15

Lon lokithak itti mpakkot lon ila mpongothe nakucci wini? Ngkwipot noꞌre akka mpoporot noul wꞌreki?’”

Lukka 10:21

Caꞌri cen aIeccuo opirakat noka noKanang ikupupure, akwiꞌrekat itti, “Mpopiranung noka, ngappa pin, Ili worothiꞌrot ana wonocapu, akka ngkwamuꞌruttothe ul lon elli inaik nti ima ila mpiꞌrethe ul win iammakothin, akene ul iammakka nyukul inyarran. Ïcat ngappa, elli akka ngkwongothe itti laka.

Roma 9:15

Akka Kapik kiꞌrethe oMucca itti, “Mpipo thiak thokkwi ipa mpongothe itti mpipo thiak then, ana mpangat okkwi ipa mpongothe itti mpangat.”

Roma 9:20

Anaruk onon oththan akka annipittot Kapik lon ila kongothe itti kakkot? “Papu ipa opït pokkothe pipittot opït itti ngkwokkothin ittina akainthai?”

Apuccuc 1:11

Oron thummuntat appik ngkꞌran kung, ammakka kwonat lon ica loMiccie itti kwakkot lon appik ammakka kwongothe.

Apuccuc 1:9

Kapik kittinet ton lon lung ilamuꞌruttakot ncik loMiccie, lon ilonu itti lathothakka ammakka thongat thung itha kwongothe iaMiccie.

Iakup 5:17

OIlia pokat pul iponyi ammakka oron. Kwaꞌrat ngaꞌrama nci nocïkït itti akapik okorronno apot nocapu ana kapik kakannapat nocapu luput lꞌrapuruk ana anok wꞌrakkuruk.

Thitto 11:6

Ul enni wonu lon ikkun itti okin thunukkot cik tothiꞌrot othakka itti akapik okorronno apo amma okin thaik there lon loKapik ana okin thonu lon ikkun itti okin thaprtto ngꞌri ngorinok cik athakka ngüccük ana attatta capu llon ilakin thongothe itti okin thattatta ngngin.