Lukka 4:18 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁸ “Kanang koIli kaik naun, akka kakkarorin anerene ul lon iloporot iella alpꞌrek. Kwothïothin anotherene ul iaik ikorrokkor lon lothelikkako ana anyinthet ul kït iꞌrimathe ana oꞌret ul iokwïettathe.

Lukka 4:18 Iomraidhean Croise

Maththa 11:5

Okin ithiꞌrimathe thimmat cik, okin ithaimico thaik thanyaro, okin ithonat ïnyï noka thothakkat thoporot, okin ithokat thanuril thaik thaccïkot cik, okin ithillet thurokiettat, ana lon iloporot loIeccuo lerettanet ul iella aꞌrupu cik.

Maththa 12:18

“Pul iparekinin empi ipa mpakkarot, okkwi ipa mpongothe, ana ipa mpopirat noka nan. Mpethok Kanang kin, ana kwerene ul appik lon ilocoꞌrotheik.

Maththa 12:20

Kwannie pul ka kongo ipella puꞌran cik ere kupir ikapot nocu, ana kwakannie ul ka kongo ella puꞌran ere thik amma athio ithacco ncuꞌru, puccuk alon lung ilocoꞌrotheik alkat ilakannocoꞌrot cik.

Maththa 4:16

ul iaik iꞌrïmak wimmat kꞌran kocïngkï ikrïk akocco ana iaik nokaꞌran ikonu ngïꞌrïmak wimmat kꞌran kocïngkï akocco.”

Maththa 5:3

“Thethïetta thaka noul ianekket cïkït noKapik akka ngili ngorothiꞌrot ngaka ngen.

Lukka 4:17

Akin ekathok atham wopul pothernte lon loKapik oIccaia. Akwanyat akwiat kaꞌran ikokurrakot nan itti,

Lukka 6:20

Akwokathakat ul iammakothok akwiꞌrekat itti, “Thethïetta thaka thon onon ithella aꞌrupu cik akka ngili ngoKapik ngaka ngon.

Lukka 7:22

Akwiꞌrekat ul ia oIuanna pappothïothe itti, “Ngkonon opakkot annothiꞌret oIuanna lon ilanon thoccïkothe ana ilanon thimmat, ul ïꞌrïmathe wimmat cik ana iaimico waik wanyaro ana ionat ïnyï noka wittiettathe ana ul iokat nuril waik waccïkot cik ana okin ithillet thurokiettat nti ithio ana lon iloporot loKapik lerettanet ul iella aꞌrupu wꞌrek.

Iuanna 1:41

Lon ila Anthrauc pokkothe cittokït itti kwiothe opang poCamaan akwerekanthok itti, “Onïn thiothe oMiccie okkwi ipa Kapik kothiothe.”

Iuanna 12:46

Mpaat nocapu ncik appik ammakka kꞌran ikaccieik othakka itti okkwi ipoccokothe lon lin okorronno ikkoik iꞌrïmak.

Iuanna 3:34

Akka pul ipa Kapik kothïothe pere lon loKapik akka Kapik kethettot Kanang ikupupure koppot.

Ngre 10:38

ana tat akka Kapik kethet oIeccuo poNaccir Kanang ikupupure ana puꞌran ana tat akka kwonyarot naꞌran akwokkot lon iloporot ana akwittiet ul iapul potholut poꞌrot nan akka Kapik kokat naak.

Ngre 26:18

anyinthet kin kït ana aukkwot kin nti iꞌrïmak anakin nokꞌran ana nti ikkun wopul pothopulut anakin ikkun woKapik itti alon len ilokithak occïkakot ana akin iot kaꞌran ithoꞌrkït thokkwion ithothakkat thupupure nthoccokot lon lin nomïkït men.’”

Ngre 4:26

Nili nonocapu nurokwot ana naꞌrntakothe ithun anorro iIli, ana iakkwi poꞌruttat ngaak.’

Ngre 4:27

OIruthuc ana oPilaththoc oPunththioc ana ul iakonnoka woIouth ana ul woIccereil waꞌrntakathe nokaꞌran engki aprttakot ipul iparekinung ipupure oIeccuo ipa ngkwothikkiet oMiccie.

Kulucci 1:13

Akka kwoꞌretheron nti ipuꞌran poriꞌrïmak ana kwonat ton ingili ngokkul wung ia kwongothe,

Iakup 2:5

Pangkingon nantoccïkot, Kapik akkakannakkaro ul iella aꞌrupu cik nocapu ncik appik akothikkiekin aꞌrthani nthoccokot lon loKapik nomïkït ana opakket kin nongili ngorothiꞌrori ia kwapponekkenthet ul cik iongothoki?

1 Poththuruc 2:9

Anaruk onon ul ikkarakot nti ipangken, ul wonoppan toKapik wotheret ithoporot, ul iupupure ana onon ul wung othakka itti anneret thoporot thung okkwi ipakkarot non nti iꞌrïmak akwonekot non nokꞌran kung ikacco ikoporot.