Lukka 20:8 - LON ILOPOROT LOKAPIK NATHAM NꞌREK NNONATHAM NOMAꞌROT

⁸ AIeccuo iꞌrekat kin itti, “Mpakinniꞌret non itti ngngili ngiatha inga mpaik pakkot llon elli cakuruk.”

Lukka 20:8 Iomraidhean Croise

Maththa 15:14

Nokorronno kin, okin ul itte pangken ana okin thamma kathar. Amma pul ipiꞌrimathe paik pathutho pul ipiꞌrimathe okin aththuththeꞌra thapot ippu.”

Maththa 16:4

Onon thaul wolon ilokithak ana ithella thoccokot lon loKapik nomïkït, thipitto lon ilommaththik, lella ilakkattanthet kin lulluk ilommaththik ilokkattanthet pul pothernte lon loKapik oIunan akkakenetta non.” Ittina oIeccuo poththekathe nakin akwoingkat.

Maththa 21:27

Ittina akin othïanthet oIeccuo tit itti, “Onïn thomma.” AIeccuo iꞌrekat kin itti, “Mpakinniꞌret non itti ngngili ngiatha inga mpaik pakkot llon elli cakuruk.”

Markkoc 11:33

Menik akin othïanthet oIeccuo tit itti, “Onïn thomma.” AIeccuo iꞌrekat itti, “Oun cakuruk pakanniꞌret non itti ngngili ngiatha akka anokkot nelli.”

Lukka 20:7

Ittina akin othïanthok itti, “Onïn thomma itti maat ngkeren.”

Lukka 20:9

Akwikkat cik akwerene ul okkwie lon kuru ncik akwiꞌre itti, “Pul pꞌrek peet maa apekat ul wꞌrek ara, amma okin thokiot akin ethok motte nan akwoingkat nokurtti imakkren akwoccat cik.

Lukka 22:68

Ana amma mpipittothenon lon ana onon thannothïnthin tit.