Lukka 19:37 - LON ILOPOROT LOKAPIK NATHAM NꞌREK NNONATHAM NOMAꞌROT

³⁷ Anakka kwaat iccik kokaꞌran na kathar kokkot uo thaiken nocoꞌrong coCeththun, ul iammakothok appik wikkatheik apirane Kapik noka nolon mpoꞌre cittan appik ilommaththik ilakin thimmat aiꞌre itti,

Lukka 19:37 Iomraidhean Croise

Maththa 21:1

Anakka oIeccuo ana ul iammakothok okko ciki iccik koUruccelim okin thakkakathe nokaꞌran koPeththppaci nocoꞌrong coCeththun, aIeccuo othïat ul weꞌra nti iul iammakothok,

Markkoc 13:3

Anakka oIeccuo pokat cik akwikkoik nocoꞌrong coCeththun icakatha noppan toKapik, oPoththuruc ana oIakup ana oIuanna ana Anthrauc ipittathok therek itti,

Markkoc 14:26

Manakka okin thongwot kinye akin oppat thapat akin oingkat ci nocoꞌrong coCeththun.

Lukka 18:43

Ncïnang akwimmakat cik ana kwomakathe oIeccuo akwopirakanthet Kapik noka. Anakka ul appik wimmat akin ikkat cik akin opirane Kapik noka.

Lukka 19:20

Apilin pꞌrek akkakat akwiꞌrekat itti, ‘Pït pin, akucci wang wei ia ngkwethin mpïꞌrïkothe ikret.

Lukka 19:29

Manakka akwokko ciki iccik konokaꞌran koPeththppaci ana Peththania nocoꞌrong coCeththun, kwothïathe ul weꞌra nti iul iammakothok akwiꞌrekat kin itti,

Lukka 19:36

Akka akweo, aul ikkat cik aipinthok eret cik ikathar akwonyaro nan.

Lukka 7:16

Akin irrat mïkït nti ikarak appik akin opirakanthet Kapik noka akin iꞌrekat itti, “Pul pothernte lon loKapik iprïk pummothe ncik ithoꞌrkït thonnon inenni.” Akin iꞌrekat itti, “Kapik kaat kaththittarot ul wung.”

Iuanna 12:18

Ul woppot woingkathe athokathak akka wokat woccïkothe lon ila kwokkothe ilommaththik.