Lukka 16:19 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁹ AIeccuo ikkat cik akwere icci itti, “Pul pꞌrek pokat cik papaꞌrthan ana pakot eret ionu cekerek crïk ana ikkoik nokaꞌran ikopeththere ana akwoꞌrko thuꞌrit thothiot ana okkot kamuthe appinappin.

Lukka 16:19 Iomraidhean Croise

Markkoc 15:17

Akin akiekathok kret kothlo ere maa ika nili ako, akin otheranthok tukwia tolï, akin akiekathok ica ere ili.

Markkoc 15:20

Anakka okin thocothothe okkothok ngure naak kicce okin thuekathok kret ikothlo ere maa akin akiekathok kret kung akin ipathok thapat akin othokkwethok nothapak.

Lukka 15:13

Aukul iotteik ikkat cik papotteik aꞌrntat aꞌrupu wung appik ia kwoccot akwoingkat ngngin ci noththok poka akwokïttat aꞌrupu wung cik nuthuk appik ia konat.

Lukka 16:1

AIeccuo iꞌrekat ul iammakothok itti, “Pul pꞌrek pokat cik papaꞌrthan ana ponat pul iporekinok aul onakanthok lon itti pul iparekinok paik pakïttïnok thaꞌrthan.

Lukka 16:18

Okkwi ipathïo pari pung itti akwappipo apꞌrek kwaik paꞌro nul iari ittat. Ana okkwi ipipot pari pothïlat kwaik paꞌro nul iari ittat.”

Lukka 16:20

Ana pul pꞌrek pokat cik poccot kꞌran itti oLiaccir pokat papiak pellat papꞌrek cik ana ponat ïnyï noka ana ul wokat cik annennekok annekkethok tocürük copul ipapaꞌrthan.

Thitto 17:4

Pul ipopari pokat pakot kret kothukkakot kothlo ere maa ana koꞌre, ana kokat akollio ere thaap ana mallong imallio imonu cekerek crïk ana muccu morirok imallio. Ana ponat keththeꞌret kothaap ikkun koppathe naꞌrupu iokithak wothaꞌro nul wung nuthuk.

Thitto 18:16

ana okin thoo itti, ‘Ngaia ooi, ngaia ooi, pothok iprïk, pakot kret konu cekerek crïk ana kothlo ere maa ana koꞌre, ana kokat akollio nthaap ana mothok imonu cekerek crïk ana muccu moriꞌri imallio.

Thitto 18:7

Nokkiethok thiak ana ipiek thiak noka ammakka thaꞌrthan thung itha kwomonanet ka kung. Kwipot ka thoura noucce wung akwiꞌre itti, ‘Mpaik pikkoik noprrok karkko ili iopari mpakannoka pacuruma ana mpakannoka ithmeru.’