Lukka 16:16 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁶ “Lon lothonceꞌret lon cik loMucca lokat cik ana ul wothernte lon loKapik werntet puccuk mono aIuanna pomamuthie akkakat. Nci cïnang alon iloporot longili ngoKapik antikkat cik alongkenetta ana ul woppot waik wennekke itti waeo ingili ngoKapik.

Lukka 16:16 Iomraidhean Croise

Maththa 10:7

Ana amma anneo annerene ul lon elli itti, ‘Ngili ngorothiꞌrot ngakko napuththut.’

Maththa 15:11

Aꞌrupu ia pul oꞌrko wakorronno ipie pul nguꞌru, anaruk lon ila pul ere, ilen akkathikkiek pokithak.”

Maththa 21:32

Akka oIuanna pomamuthie painet non akwathokenenon kathar ikocoꞌrotheik ana onon thakannoccïkothok anaruk ul iaꞌrntinthet nili akucci ana ul iari iallelle nul nakucci akkoccïkothok. Ana manna onon thimmat lon len, onon thakannopaꞌrine lon cik itti annoccokot lon lung nomïkït.”

Maththa 3:2

akwiꞌre itti, “Nopaꞌrine lon ilokithak cik akka ngili ngorothiꞌrot ngakko napuththut.”

Maththa 4:17

Ana nci nocaꞌri cen oIeccuo pikkatheik akwerene ul akwomet kin itti, “Nopaꞌrine lon ilokithak cik akka ngili ngorothiꞌrot ngakko napuththut.”

Maththa 4:23

OIeccuo pikkatheik akwonyaro naꞌran woCelïl akwongkenet ul nomuththun maꞌrama, akwerenekin lon iloporot longili ngoKapik ana akwittiet ul appik iokat wongo.

Markkoc 1:14

Manakka oIuanna ponekkettathe ikorrkkor, oIeccuo poingkathe noththok poCelïl, akwongkene ul lon iloporot loKapik.

Markkoc 1:45

Anaruk kwoingkathe ana kwikkatheik akwere nuthuk ana opettot lon cik ana ittina oIeccuo pommakathe iꞌriko icarak coman ncinokkït anaruk kwikkatheik thomnther. Ana ul wokat cik warthuk aukkwinok nci nomoꞌrong ammakka maik.

Lukka 10:11

‘Manna tuꞌrupang tonoththok pon irocciccokothe nïn, onïn thakkwenthet non cik nnoracok tïn. Anaruk nina nan itti ngili ngoKapik ngaik napuththut.’

Lukka 10:9

Nittiet ul iongo iaik cïnang, niꞌret kin itti, ‘Ngili ngoKapik ngakko napuththut iccik kon.’

Lukka 16:29

Aprein iꞌrekathok itti, ‘Okin thonu oMucca ana ul wothernte lon loKapik kirrnni akin occïkot kin.’

Lukka 16:31

Aprein appiꞌrekathok itti, ‘Amma okin thannoccïkot lon loMucca ana ul wothernte lon loKapik okin thannokkwine lon lꞌrek kunu ncik ana antoka manna itti pul pꞌrek purokot nti ithio.’”

Lukka 9:2

Ana kwothïathekin akin othongkene lon longili ngoKapik ana ittiet ul iongo.

Iuanna 1:45

OPilippic piathe oNaththanail akwiꞌrekathok itti, “Onïn thiothe okkwi ipa oMucca pappokurrot lon len iatham wothonceꞌret lon cik ana ipa ul wothernte lon loKapik wokurrot lon len cakuruk itti oIeccuo poNaccir, ukul woIuccip.”

Iuanna 11:48

Amma oron thakorronnok akwokkot ittina ana ul appik waccokot lon lung nomïkït, ana ul woRoma wanthan ana waneko tupan toKapik appik ana ul wonnon appik.”

Iuanna 12:19

Ittina ul woPriccin werettaranthet itti, “Oron thaik thakorronno okkot lon lꞌrek. Nantokatha akka ul waik wamakothok nocapu ncik appik.”

Iuanna 5:4

Ana caꞌri cꞌrek uꞌrupa wothothïlettat woIli wokat cik than aꞌrïntïtto ngꞌri ana okkwi iporpot tit cittokït aiꞌri ngaꞌrïntïttakot kwittat nnomio ima kwonat.]

Ngre 3:18

Anaruk kathar engki akka Kapik kokkothe llon ila kiꞌret nul wothernte lon loKapik itti oMiccie pung pathoccokot thiak.