Lukka 13:25 - LON ILOPOROT LOKAPIK NATHAM NꞌREK NNONATHAM NOMAꞌROT

²⁵ Amma pul pokaman purokot mono unukkwot kathat ana nthacoꞌro thapat annakkakkaro ana annuet cik itti, ‘Paththi, anyinet nïn kathat.’ Anaruk kwathïot tit itti, ‘Mpommanon, ana manna itti onon thaat ngkartha.’

Lukka 13:25 Iomraidhean Croise

Maththa 25:41

Ittina kwiꞌret okkwion ithaik thokkun wothokure itti, ‘Nopaꞌroik nti iccik kin ngonon ithik thothupuththuput, onon ithattattakot nthokꞌro nthik thothupuththuput ithonekkettanthet pul pothopulut cik ana uꞌrupa wothothïlettat wung.

Lukka 13:27

Ana kwathïot tit itti, ‘Mpommanon, ana manna itti onon thaat ngkartha. Nopaꞌroik ntokït kin, onon ul appik iakkot lon ilokithak.’

Lukka 3:8

Nokkot ngre iakene itti onon thopaꞌrinet lon ilokithak cik. Nokorronno omet kakon itti, ‘Onïn nyukul nyAprein.’ Mpiꞌret non itti Kapik kina oprtto mothok emmi cik amokakat nyukul nyAprein.

Lukka 6:46

“Nthontha akka annakkaron itti, ‘Ili, Ili,’ anon okorronno okkot ila aniꞌret non?

2 Kurunthuc 6:2

Akka kwiꞌret itti, “Nocaꞌri ica mponu itti mpaccïkot non, mpoccïkothenon, Ana nocaꞌri cothoꞌrettat mpittarothenon.” Mpiꞌret non itti caꞌri enci icaKapik ona thiak thonnon nan, ana caꞌri enci icaKapik oꞌretton nan cakuruk.

Ipranin 12:17

Ana nomaꞌri motte ammakka nthina akka kwokat itti kwapakkot nopaꞌran pothothokwonta nothon okin thꞌrakanthok. Ana kwikkatheik akwoo akka kathar kellat ika akwokkaprtto pꞌran ngngin.