Lukka 12:19 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁹ Ana caꞌri cen anopira noka anomekat ka kin itti, Ngkwonu aꞌrupu woppot wakanno omttat aththaman noluput ilanthan. Okathacce lon nuthuk, oꞌrku thuꞌrit ana ïcat cik ana apira noka.’

Lukka 12:19 Iomraidhean Croise

Lukka 12:18

Ittina akwiꞌrekat ka kung itti, ‘Katha elli akka anokkot mpangwo irit win appik anuno aꞌrek ittïttïk ana ien akka anipot mïl tit appik ana aꞌrupu wꞌrek.

Lukka 16:19

AIeccuo ikkat cik akwere icci itti, “Pul pꞌrek pokat cik papaꞌrthan ana pakot eret ionu cekerek crïk ana ikkoik nokaꞌran ikopeththere ana akwoꞌrko thuꞌrit thothiot ana okkot kamuthe appinappin.

Lukka 21:34

“Noꞌrumoik akka anon okorronno iꞌrikikke kakon ilon lonocapu ammakka itti thïkko ngapak ana thirro mïkït nti ikarak nolon lothikkoik akka caꞌri canthan anon thomma nan.

1 Kurunthuc 15:32

Ittina amma mpothattot iaꞌrupu iommaththik ere iaꞌrupu woripira nokaꞌran kApuccuc nti ilon lopul iponyi, ngintha akka aniot nti ilon len? Ana amma ul iillet wakarrnnurokietta nti ithio, “Ton oꞌrkoik ana ïkko aꞌrupu iaik, akka ngorrot oron thille.”

Pilippi 3:19

Okin thakittako, ana okin thakkot lon ila ka ken kongothe. Okin thipot ka thoura naꞌrupu iathiekin cik, ana okin thakwarttikot aꞌrupu wonocapu tulluk.

1 Thimiththaoc 5:6

Anaruk curuma icanyarakot ana okwancot ilapiriek noka cikkoik tokït koKapik ere ciot ana ere cella cik, antoka manna itti cakinnio.

1 Thimiththaoc 6:17

Iꞌrethe ul iaaꞌrthan nocapu ncik appik enci akin okorronno ipot ka thoura ana okorronno onekket mïkït men nothaꞌrthan then ithurat cik accokkot anaruk akin onekket mïkït noKapik, ikethet ton aꞌrupu appik nuthuk iaron opira noka ngngin.

2 Thimiththaoc 3:4

Okin thakette opurukon, okin thella nyatheꞌre ima, ana okin thinnikot itti okin akkoporot noul appik. Okin thangat lon lonocapu cannan nothongat Kapik.

Iakup 5:5

Onon ithaꞌrthan nocapu onon thopiranet ka noka ana annoꞌrko thuꞌrit thulluk ithopeththere ana onon thittittathe ere nyura inyathongutta.

1 Poththuruc 4:3

Akka onon thikkot cik luput loppot maꞌrot annokkettet lon ilaul iomma lon loKapik okkot. Nthokat annalle nul nuthuk ana ommakot lon ilokithak ila ka kon kongothe, ammakka itti ïkko ngapak akkwathung ana oince ikamuthe na ul ïkko ngapak angwo kin ana aurrot lon cik. Ana manna nthokat annaꞌrane aꞌrupu wꞌrek ngaꞌrama.

Thitto 18:7

Nokkiethok thiak ana ipiek thiak noka ammakka thaꞌrthan thung itha kwomonanet ka kung. Kwipot ka thoura noucce wung akwiꞌre itti, ‘Mpaik pikkoik noprrok karkko ili iopari mpakannoka pacuruma ana mpakannoka ithmeru.’