Lukka 10:37 - LON ILOPOROT LOKAPIK NATHAM NꞌREK NNONATHAM NOMAꞌROT

³⁷ Apul ipangkene lon lothonceꞌret lon cik othïat tit itti, “Pul ipipot thiak thung.” AIeccuo iꞌrekathok itti, “Ngko athokkot ammakka pul pen.”

Lukka 10:37 Iomraidhean Croise

Maththa 20:28

Ammakka ukul wopul iponyi wakannao itti wathorekakine anaruk waat itti wathorekine opilingon ana manna ethet thikkoik thung othakka itti aelikko ul woppot nti ilon ilokithak.”

Maththa 23:23

Angkre, ul iangkene lon lothonceꞌret lon cik ana ul woPriccin, onon ithongothe itti nthinnikot lon, onon thethet Kapik aꞌrupu wuluwuluk naꞌrupu kurekkurek iattul attul appik ana aꞌrupu iakkattat ngucul. Anaruk thopaꞌrinet lon cik iloporot cannan lothonceꞌret lon cik ana lothokkot lon ngkathar kocoꞌrotheik, ana lon lothiak ana nthoꞌrumo nolon. Onon thira thareko llon iloporot okorronno opaꞌrine alꞌrek cik.

Lukka 10:36

AIeccuo ipittat pul ipangkene lon lothonceꞌret lon cik itti, “Pul piatha nti iul iꞌrapuruk ponocuruk copul ipapothe inyaun nyoul wothuꞌran apopokat?”

Lukka 10:38

Anakka oIeccuo pokat cik ikathar akin oul iammakothok okin thakkakathe nokaꞌran na pul ipopari pokat ipoccot kꞌran itti oMarththa apikkiekat kin cik tuan.

2 Kurunthuc 8:9

Ana onon thina thoporot thoIli oIeccuo oMiccie itti kwokat papaꞌrthan anaruk kwothakkat paraco nti ilon lon othakka itti nthothakka paraco thung annothakka thaꞌrthan.

Apuccuc 5:2

Nikkoik thikkoik ithonu thongarot ammakka oMiccie pongatheron ana kwangkathe itti kwio nti ilon lonnon ere amutha ana papu pothokiot ngüccük poKapik.

1 Poththuruc 2:21

Elli akka onon thakkarakothe akka oMiccie poccokothe thiak nti ilon lon ana kwoththenet ton nolon ilaron thonu itti oron thammakot.

Thitto 1:5

ana naIeccuo oMiccie ook iperet lon ila kwimmat okorronno ocukko nalꞌrek, ana ook ponothon ipurokot nti ithio ana Ili wonili nonocapu. Lon elli laine okkwi ipongotheron ana okkwi ipelikkot ton nti ilon ilokithak lonnon ngngüccük ngung.