Kulucci 1:20 - LON ILOPOROT LOKAPIK NATHAM NꞌREK NNONATHAM NOMAꞌROT

²⁰ ana nti ikkul wung Kapik kopakkethe kuꞌri cik ook ana aꞌrupu wonocapu appik ana manna worithiꞌrot nthopakkot ikuꞌri nocaꞌri ica ngüccük ngoIeccuo nguntakatheik nothapak.

Kulucci 1:20 Iomraidhean Croise

Maththa 1:21

Ana kwakwono ukul ana ngkwaccie kꞌran itti oIeccuo, akka waꞌret ul wung nti ilon ilokithak.”

Lukka 2:14

“Thrïk thaine Kapik korothiꞌrot cittan ana alon oka loporot nocapu noul ia kwongothe.”

Ngre 10:30

OKurnilioth piꞌrekathok itti, “Nomaꞌri mocoꞌrin imeot mpokat cik tuan thanin anaꞌra ngaꞌrama acïngkï cokkothe cꞌrapuruk cocipin, apul pꞌrek ocoꞌrat tokït kin ponu eret wallio ere kꞌran kocïngkï,

Roma 5:1

Ana inakka oron thothakkat thoporot nthoccokot lon loKapik nomïkït thonnon, oron thaik ikuꞌri oron oKapik nti ilon loIli oIeccuo oMiccie,

Apuccuc 1:10

Lon ila kwonekketheik laik itti kwamartto itti amma maꞌri mocothakothe kwaꞌrntot aꞌrupu wonocapu appik ana worothiꞌrot ikkun woMiccie.

Pilippi 2:10

Ittina ul appik weene kꞌran koIeccuo toma ncik iaik tothiꞌrot ana iaik nocapu ana iaik thothïrïn.

Kulucci 1:16

Akka aꞌrupu appik wokuꞌrettat ncik ook ngngin, iaik ithiꞌrot ana nocapu ana ia ul okathacce ana iaul wakirrnnimma antoka manna ngili ana nili inïttïttïk ana inarran ana ul ionu lon ikkun, aꞌrupu appik wokuꞌrettat ncik ook ngngin ana wokuꞌrettanok ncik.

Ipranin 2:17

Ittina kwonu itti kwaka ammakka opangon llon appik othakka itti akwona thiak ana oka pul iprïk ponoppan toKapik iparekine Kapik. Ana oꞌrumo nolon ana ina akka akwethet Kapik aꞌrupu wothokiot ngüccük cik iapaꞌre thua ka thoKapik cik.