Kalaththia 4:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Ana akka oron thanyukul nyung, Kapik kothinthet ton Kanang kokkul wung ikupupure nomïkït monon, kiꞌrethe ton itti, Appa, ngappa ponnon.

Kalaththia 4:6 Iomraidhean Croise

Markkoc 14:36

Akwiꞌrekat itti, “Appa, ngappa pin, lon appik lippappat naung. Onekothin thoccokot thiak enthi, annoka ammakka mpongothe, anaruk ammakka ngkwongothe.”

Lukka 11:13

Amma onon manna ithonu lon ilokithak thina akka annethet nyukul nyon aꞌrupu ioporot, oththe pon porothiꞌrot pakannethet okkwion ithipittothok Kanang ikupupurei?”

Lukka 11:2

AIeccuo iꞌrekat kin itti, “Amma annaꞌra ngaꞌrama anniꞌre ittina, ‘Ngappa pïn, akꞌran kang othiakineik angili ngang anthan, [ila ngkwongothe itti lakkattat, alokkattat nocapu ammakka lokkattathe tothiꞌrot].

Iuanna 14:16

Ana mpipittot ongappa, ana kwethet non opilin akwittarot non ana oka nanon thupuththuput,

Iuanna 15:26

Amma okkwi ipittararot paat ipa anothïnthet non nangappa, Kanang ikupupure ikaik ïcat ikanthan naak, kerenenon lon lin.

Iuanna 16:7

Anaruk mpaik perenenon lon ilaik ïcat, loporot nanon itti mpaeo akka amma mpakorronno eo okkwi ipittarot non pakorronno anthan. Anaruk amma mpeot ana mpathothïnthet non ngok.

Iuanna 3:34

Akka pul ipa Kapik kothïothe pere lon loKapik akka Kapik kethettot Kanang ikupupure koppot.

Iuanna 7:39

Kwokat cik akweret Kanang koKapik ikakin athocco ithoccokothe lon lung nomïkït. Kanang koKapik kokat karthuk ettat kin akka oIeccuo pokat parthuk pakannothikkietta prïk.

Ngre 16:7

Anakka okin thaat nokwen konoththok poMiccia okin thennekkekathe itti okin thiꞌriko noththok poPithinia anaruk Kanang ikupupure koIeccuo koꞌramittathekin than itti okin thanniꞌriko.

Roma 5:5

Ana thoꞌrïkot cik thakonnothieron cik akka Kapik konekkethe thongat thung nomïkït monnon ngKanang ikupupure ika kwethet ton.

Roma 8:9

Anaruk onon thaik thakannommokot lon ila ka ikonyi kongothe anaruk onon thaik thammakot Kanang koKapik amma kaik ianon. Ana okkwi ipella Kanang koMiccie kwakannoka poMiccie.

1 Kurunthuc 15:45

Ittina lokurrakot itti, “Pul iponyi pocittokït Atham pokat pul nuthuk.” ana Atham ipocothothe pokat okkwi ipethet Kanang kothikkoik.

2 Kurunthuc 1:22

akwonemat ton cik ana ethet ton Kanang kung nomïkït monnon othakka itti akokene lon ilaik lanthan.

2 Kurunthuc 3:17

Inenni Ili oMiccie paKanang ana na Kanang koIli oMiccie kaik, nꞌre nella.

Apuccuc 1:13

Onon cakuruk thothakkat ul woMiccie nci ammakka onon thoccïkothe lon ilaik ïcat iloporot loIeccuo lothoꞌrettat thang. Kapik kokkothe kurret nanon ngKanang ikupupure ikonekkettanthet ton cik onon ithoccokothe lon loMiccie.

Apuccuc 2:18

Akka nti iaak oron appik thiot kathar ikaron oine oThthan ngngin ngKanang kulukku.

Apuccuc 4:30

Nokorronno uet Kanang ikupupure koKapik ka cik, ikanon thonemittathe ngngin annoꞌrïkot caꞌri cothopakkettat.

Apuccuc 6:18

Ana naꞌra ngaꞌrama appinappin ngKanang nolon appik ilannipitto kurekkurek. Ilon elli ima nokorronno ikkoik ithuman noꞌrungkot nan aꞌrane ul ipupupre woKapik ngaꞌrama appik.

Pilippi 1:19

Akka mpina itti ngngaꞌrama ngon ana nthittarot thoKanang ikupupure koIeccuo oMiccie, lon ila mpaik tit lakorronnon anelikkako nti ikorrkkor.

Atham iaine ul woThocculunukkia 1 4:8

Ittina okkwi ipꞌrat lon elli kwakannꞌra ul anaruk kwꞌrat Kapik, ikethet non Kanang ikupupure kung.

1 Poththuruc 1:11

Okin thokat thongothe itti okin thina caꞌri ica pul pen paik panthan nan ipa uꞌrupa woMiccie iokat iakin iꞌrillet kin lon lothoccokot thiak thoMiccie ana thanthan thung nthrïk.

Ioutha 1:20

Anaruk pangkingon noꞌrungkot ithoccokot tholon lon loKapik nomïkït mon ithupupure ana annaꞌra ngaꞌrama mpuꞌran poKanang ikupupure.

Thitto 19:10

Anakka elli locothakothe, anapat iracok tung anaꞌranok ngaꞌrama. Anaruk kwiꞌrekathin itti, “Kirrnni elli, mparekine Kapik karkkang ana opangkangon thꞌrek, okkwion ithina lon ilimmakot ngkït ana ilerettathe oIeccuo ngngin. Aꞌranet Kapik ngaꞌrama. Akka kanang kothernte lon loKapik iken akkakene itti lon ilimmakot ngkït ana eretta loIeccuo laik ïcat.”