Kalaththia 4:14 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁴ Ana manna thonga thin thokat ere thennekke thothongathin thon nthannoththothin cik ana ꞌra lon lin anaruk onon thikkierin cik ere oun uꞌrupa wothothïlettat woKapik ana manna ere oMiccie oIeccuo ngka kung.

Kalaththia 4:14 Iomraidhean Croise

Maththa 10:40

Okkwi ipikkiet non cik kwikkierin cik ana okkwi ipikkierin cik kwikkie okkwi ipothïothin cik.

Maththa 18:5

Ana okkwi ipikkie ukul iotte cik ammakka enni ngkꞌran kin, kwikkien cik.

Maththa 25:40

Ili wathïnthet kin tit itti, ‘Mpiꞌret non ilaik ïcat itti, ilanon thokkinthet opilin pꞌrek ipotte ipammakothin, onon thokkinthin.’

Lukka 10:16

Kwappiꞌrekat ul immakothok itti, “Okkwi ipoccïkothe lon lon kwoccïkothe lon lin ana okkwi ipꞌrat lon lon kwꞌrat lon lin ana okkwi ipꞌrarin kwꞌrat okkwi ipothïothin.”

Iuanna 13:20

Mpiꞌret non lon ilaik ïcat itti okkwi ipikkiet pul cik ipa mpothïothe kwikkierin cik, ana okkwi ipikkierin cik kwikkiet okkwi ipothïothin cik.”

1 Kurunthuc 1:28

Kapik kummot lon ilaul wella lon len ana wopaꞌrinet cik nocapu ncik appik, ana aꞌrupu iellaik, othakka itti akokïtto aꞌrupu iaul okatha itti ien akkoporot.

1 Kurunthuc 4:10

Onon thame itti onon thina lon loMiccie anaruk onïn akkomma lon loMiccie, onon thame itti onïn thommangka anaruk onon akkopoꞌrot than, onon thame itti onon thathiakine cik ana onïn thakorrnno othiakine cik.

2 Kurunthuc 5:20

Ana ittina onïn thaul iere lon loMiccie ana Kapik ngka kung kokat akere lluꞌre lïn. Ittina onïn thamet non ngkꞌran koMiccie itti nthapakkot ikuꞌri ngKapik.

Kalaththia 3:26

Onon thanyukul nyoKapik appik nthoccokot lon loIeccuo oMiccie.

Kalaththia 3:28

Ittina thopettako thella itti okkwempi poul poIouth ana okkwempi poul iannoka woIouth, ana itti okkwempi ipa piak ana okkwempi ipannoka papiak, ana okkwempi pocura ana okkwempi popari. Onon thulukku appik ilon loMiccie oIeccuo.

Kalaththia 4:13

Akka nthina itti mpokat pongo akka mpongkenet non lon iloporot loIeccuo cittokït.

Kalaththia 4:15

Onon thathopirat noka cannan mencen ana thopira noka thon then thaik kartha? Ngintha akkokïttot thopira noka then, akka mpina itti amma kathar kokat cik ika anethin kït kon ko tomma ngngin ana mpaaccot.

Atham iaine ul woThocculunukkia 1 2:13

Ana onïn cakuruk thethet Kapik thopira noka appinappin akka onon thoccokothe lon loKapik, ilanon thoccïkothe nanïn, onon thangkathe annoka ammakka itti lon loul ionyi anaruk ammakka laik ilen loKapik ilaik lareko ianon ithoccokothe lon len nomïkït.

Atham iaine ul woThocculunukkia 1 4:8

Ittina okkwi ipꞌrat lon elli kwakannꞌra ul anaruk kwꞌrat Kapik, ikethet non Kanang ikupupure kung.

Ipranin 13:2

Nokorronno urenan itti nthikkie ul wonokwat cik lon loporot, akka opilingon thikkiet uꞌrupa wothothïlettat woKapik cik tuan thanen akin thomma.