Kalaththia 3:21 - LON ILOPOROT LOKAPIK NATHAM NꞌREK NNONATHAM NOMAꞌROT

²¹ Lon lothonceꞌret lon cik laik lakïtto thonekket lon cik thoKapiki? Annoka ittina kirrkkir! Amma lon lothonceꞌret lon cik lokat lethet ton thikkoik thie, oron thaakat ikuꞌri ngKapik nthommakot lon ilocoꞌrotheik.

Kalaththia 3:21 Iomraidhean Croise

Lukka 20:16

Kwanthan ana kwathongwo ul iara kopon kokira komaa akwekat ul wꞌrek kopon ken.” Anakka ul woccïkothe elli, akin iꞌrekat itti, “Alon elli okorronno oka aththik.”

Roma 3:31

Oron thonu itti oron thapaꞌrine lon lothonceꞌret lon cik nti ithoccokot lon loKapik nomïkïri? Aa, okonnoka menik anaruk oron thonu itti oron thammakot lon lothonceꞌret lon cik loMucca papenang.

Roma 3:4

Aa, okonnoka menik Kapik kakannere lon ngkarra anaruk pul iponyi pere lon ngkarra. Ammakka lokurrakot iatham itti, “Othakka itti alon lang oka locoꞌrotheik amma aere ana alkot lon ila ngkworukwettathe ngngin ilokithak.”

Roma 3:6

Okonnoka menik amma arokat ittina Kapik kakkma capu taththa?

Roma 9:31

Anaruk ul woIccereil iokat cik ammakot lon lothonceꞌret lon cik loMucca itti alothikkiekin thoporot tokït koKapik wakinniot thoporot then tokït koKapik.

2 Kurunthuc 3:7

Inenni amma lon lothonceꞌret lon cik ilonat thio, ilokat lokurrakothe nokaꞌraccak kopothok laat nthrïk ana ul woIccereil wommakathe okatha oMucca toca akka thollio thothrïk then ithintat cik

Kalaththia 2:17

Anaruk amma oron akkaik thenekke itti oron thaka thoporot ngKapik oMiccie ngngin, ana oron thaththiot itti oron thaik thakkot lon ilokithak tokït koul woIouth? Elli lonu itti oMiccie akkarrotheron ilon ilokithaki? Annokka menik.

Kalaththia 2:19

Anaruk mpiot nti ilon ilocoꞌrothe cik loMucca othakka itti anoine Kapik.

Kalaththia 2:21

Mpannoka nti iul iakatha thoporot thoKapik itti thella lon cik tit. Akka amma oron thoꞌrettathe llon ilocoꞌrotheik loMucca, ittina thio thoIeccuo thella lon cik.

Kalaththia 6:14

Naun mpella lon ilanipot ka thoura ngngin anaruk thio thoIli oIeccuo oMiccie nothapak tulluk akka ithen akkoronnorin anokorronno ikkoik ngkathar ika ul ikkoik ngngin ana okin thomma lon ila ampaik pikkine cik ittina.

Ipranin 11:7

Nthoccokot lon loKapik nocïkït, Kapik kaꞌrettot naNua akiꞌrekathok lon ilathokaik ilakinnimmako ana nthothia cik ithupupure, kwokkathe kuppuꞌrung konoiꞌri akwoꞌret ul woruan thanung. Nthoccokot lon loKpaik nocïkït oNua pakkmakakathe capu ncik appik ana kwothakkakathe poporot tokït koKapik.

Ipranin 7:18

Ittina lon lothonceꞌret lon cik ilipe lopaꞌrakinet cik akka lokat lakannoka lonthomat ana lellat ngre cik,

Ipranin 7:19

akka lon lothonceꞌret lon cik loMucca lokat lakannokkot ngre papennang. Ana inenni thoꞌrïkot cik ithoporot thei ithanekot ton iccik koKapik.