Ipranin 9:28 - LON ILOPOROT LOKAPIK NATHAM NꞌREK NNONATHAM NOMAꞌROT

²⁸ ittina oMiccie piot caꞌri culukku itti akwopaꞌre lon ilokithak cik loul woppot ana kwappao caꞌri cꞌrek anaruk kwakannaine lon ilokithak loul anaruk kwao itti akwathoꞌret ul iaik waꞌrikothok.

Ipranin 9:28 Iomraidhean Croise

Maththa 20:28

Ammakka ukul wopul iponyi wakannao itti wathorekakine anaruk waat itti wathorekine opilingon ana manna ethet thikkoik thung othakka itti aelikko ul woppot nti ilon ilokithak.”

Maththa 25:31

“Amma ukul wopul iponyi anthan nthrïk thung ana nuꞌrupa wothothïlettat woKapik appik, ana kwikkoik noprrok pothrïk thung pothakkma.

Maththa 26:28

Ngüccük ngin engi ngothonekket lon cik nguntanthet ul cik woppot, othakka itti aKapik occïkïnthet kin lon len ilokithak.

Iuanna 14:3

Ana amma mpokuccenthet non kaꞌran cik kicce ana mpakkaprttako ntan anathipo non aron oka uraththungon, othakka itti annoka na mpaik.

Ngre 1:11

Aiꞌrekat kin itti, “Ul woCelïl, ngintha akka annocoꞌrine cen annokathacce tothiꞌrot, oIeccuo pen ikkalu iponekittathenon, akwonekittat tothiꞌrot kwakkaprttako ntan ammakka nthimmarok akwokuꞌrot tothiꞌrot.”

Roma 3:25

Akka Kapik konarok othakka itti akwathio nti ilon ilokithak lokkwion ithoccokothe lon lung nomïkït ana Kapik kokkothe elli othakka itti akokene itti thoccokot cïkït ilon thung thokat thoporot ana kwoccïkanthet ul lon ilokithak

Roma 5:15

Anaruk thethet thakannoka ammakka lon ilokithak. Akka amma ul woppot willet nti ilon ilokithak lopul pulukku anaruk loporot cannan akka nthoporot thoKapik ana thethet nuthuk ithaat nthoporot thopul pulukku oIeccuo oMiccie, athoine ul appik.

Roma 6:10

Akka thio itha kwiot, kwiothe ilon ilokithak caꞌri culukku kirrkkir anaruk thikkoik itha kwokkot cik thakin ikkoik okin oKapik.

Roma 8:23

Okorronno oka menik tulluk, anaruk oron ngka konnon ithonu Kanang koKapik, thaik thaccokot thiak aron thaik thaꞌrikot thelikkako thoka konnon cannan ana thoka konyukul nyoKapik.

Roma 8:3

Akka lon ila lon lothonceꞌret lon cik loMucca lokat lommat okkot, lokat lommat akka lon lonnon ilokithak ilaron thokwontat ngngin, anaruk Kapik kokkathe lon len nthothïot ukul wung ntan ngka kungkot kopul iponyi athoka papu pothokiot ngüccük cik nti ilon ilokithak. Ana oIeccuo popaꞌrekathe lon cik ilokithak nti ipul ipokithak.

1 Kurunthuc 1:7

Ittina onon thakorronno oka thella thethettat nuthuk thoKanang ikupupure koKapik anon thaik thaꞌrikot Ili wonnon oIeccuo oMiccie akwokkaprttako ntan.

1 Kurunthuc 15:54

Ana amma ka ikakïttako koꞌrumakothe ngka ikakorrnno okittako ana ikokithak koꞌrumakothe ngka ikakkoik thupuththuput, ittina lon elli ilokurrakot laka ïcat iliꞌret itti “thio thellaik pꞌrin.”

Atham iaine ul woThocculunukkia 1 1:10

Ana oꞌrïkot ukul wung oIeccuo ianthan ntothiꞌrot, oIeccuo ipa Kapik kurokwiet nti ithio. Ook ipakkieron cik nti ithuaka thoKapik nocaꞌri ica akathokïtto capu.

2 Thocculunukkia 2:1

Pangkingon, mpiꞌret non itti nokorronno ocikittakinthet lon ima lolon locaꞌri amma Ili oIeccuo oMiccie okkaprttako ntan oron thaꞌrntakot iccik kung,

2 Thimiththaoc 4:8

Inenni thokketta thothoporot thaik thaꞌrikothin tholon ilocoꞌrotheik ila mpokkothe ithoꞌrumakinin nan. Ili oIeccuo pethin thokketta nocaꞌri ica akwathonceꞌrenthet ul lon cik, thokketta thakannoka thin pellek anaruk thaka thoul appik iongothe thao thung.

Thiththoc 2:13

ana inakka oron thaik thaꞌrikot caꞌri icoporot, caꞌri cothïrïk thoIeccuo oMiccie ook ipa Kapik konnon ikïrïk ana pothoꞌret thonnon ummot ncik nan.

Ipranin 1:14

Uꞌrupa wothothïlettat woKapik appik wakanang ikareko, okin thothïlathe akin athorekine ul iaik wathopakkot nothoꞌrettat.

Ipranin 10:10

Ana ittina llon ila Kapik kongothe, oron appik thothikkiettakathe thupupure nthio thoIeccuo oMiccie ngka kung itha kwinet ul appik caꞌri culukku.

Ipranin 12:14

Okwantothe kathar ikikkieng cik poporot nul appik ana oka pupupure akka amma thupupure thella ana pul pella pimma Ili.

Ipranin 2:3

oron thalukkwot thakkmako taththa amma oron thorakket thoꞌrettat enthi ithrïk? Thoꞌrettat itha Ili wiꞌret cittokït, thaul ioccïkothe wokenet ton itti thaik ïcat.

Ipranin 4:15

Akka oron thella pul iprïk ponoppan toKapik ipakonnoccokot thiak thonnon anaruk oron thonu okkwi ipennekkettat llon appik ammakka oron thennekkettat anaruk kwakannokkot lon ilokithak.

Ipranin 5:9

anakka kwothakkiettat poporot kirrkkir, kwothakkakathe kathar kothoꞌrettot koul iaccïkot lon lung kothupuththuput,

Ipranin 7:27

Kwakannoka ammakka ul wꞌrek ittïttïk wonoppan toKapik, kwakannethet Kapik aꞌrupu wothokiot ngüccük cik appinappin, nti ilon lung ilokithak ana nti ilon loul ilokithak. Anaruk kwethet ka kung ere papu wothokiot ngüccük cik nti ilon loul, caꞌri culukku kirrkkir, nocaꞌri ica kwangkothe itti kwiot nothapak.

Ipranin 9:25

Kwakinniꞌriko tothiꞌrot othakka itti akwethet ka kung nuthuk attang ana attang ammakka pul iprïk ponoppan toKapik okkot amma apeo nokaꞌran ikupupure cannan caꞌri culukku nothuput ngngüccük iakannoka ngung.

1 Poththuruc 2:24

Ook akkonekot lon ilokithak lonnon nthiot thung nothapak othakka itti aron ocoꞌro nti ithokkot lon ilokithak ana aron ikkoik thikkoik ithoporot tokït koKapik. Oron thittiettathe nninyi wung.

1 Poththuruc 3:18

Akka oMiccie poccokothe thiak caꞌri culukku nti ilon ilokithak loul ioporot ana iokithak akwonekinenon Kapik nthio thoka kung, anaruk kwokkiettakatheik mpuꞌran pokanang,

2 Poththuruc 3:12

Ana anon thaik anocoꞌrine caꞌri coili Kapik icanthan, onokuccekinthet cik acanthan accokkot. Caꞌri cen cana thokïttoik ana tothiꞌrot takoꞌro ana aꞌrupu appik wathakka ngꞌri llü.

1 Iuanna 3:2

Pangkingon, oron thanyukul nyoKapik inenni anaruk itti oron thaka tat, lon len larthuk okenettaron. Anaruk oron thina itti amma oMiccie pummothe ncik ana oron thaka ammakka ook akka oron thimmak ammakka kwaik.

1 Iuanna 3:5

Anaruk onon thina itti oMiccie pummothe ncik othakka itti akwopaꞌre lon ncik nanon ilokithak. Ana onon thina itti kwakonnokkot lon lokithak.

Ioutha 1:21

Nangwot ka kon ithongarot thoKapik annoꞌrïkot thoporot ithaIli wonnon oIeccuo oMiccie onane non ana ethet ton thikkoik thothupuththuput.

Thitto 1:7

Nantokatha, kwei panthan nnuththe, ana kït appik kimmak, ana manna ul ierok ngkathuk ana ul wonocapu appik woo ana ipo thiak. Amin.