Ipranin 6:12 - LON ILOPOROT LOKAPIK NATHAM NꞌREK NNONATHAM NOMAꞌROT

¹² Onïn thakannangkot itti onon thaka thonu ngore anaruk ninnikot okkwion ithoccot lon ilonekkettanthet kin cik nthoccokot lon nocïkït ana nthoccokot cïkït ilon.

Ipranin 6:12 Iomraidhean Croise

Maththa 22:32

Iliꞌre itti, ‘Oun Kapik kAprein ana Kapik koIccaak ana Kapik koIakup.’ Kakannoka Kapik koul iokat willet anaruk Kapik koul iaik ngkït thapat.”

Maththa 25:26

Apït othïat tit itti, ‘Oung pul ipareko ipommangka ana iponu ngore, ngkwina itti mpakio kopon ika mpakannee ana mpakkuttot mïl ima mpakannora.

Lukka 16:22

Acaꞌri akkakat apul ipa piak iat auꞌrupa wothothïlettat woKapik onekathok tothiꞌrot na Aprein paik apul ipapaꞌrthan iat cakuruk akwocïkkakat.

Lukka 8:15

Anaruk mïl imapukkothe nocapu icoporot mungkot okkwion ithaccïkothe lon loKapik akin oꞌrumat nan nomïkït appang akin okkat lon iakin iloporot ana lakwono pangken.”

Roma 12:11

Nokorronno ipo ngore iire, anaruk norekine Ili ngka kon appik.

Roma 2:7

Ana ul iokat cik akkot lon iloporot wokat cik akwancot thrïk ana thothiakine cik ana thikkoik thothupuththupu ana Kapik kethet kin thikkoik thothupuththuput.

Roma 4:12

Ana ook oththan poul iokekkothe appik ana iakonnokekkot anaruk oththan poul iaik wammakot kathar kothoccokot lon nocïkït thongappa Aprein itha kwonat akkwarthuk okekkot.

Atham iaine ul woThocculunukkia 1 1:3

Onïn tharthuk thaik thakwarttikot non tokït koKapik oNgappa ponnon, nothoccokot lon loKapik nomïkït mon ana oreko ngngin ana tat akka thopoꞌrathan ithongarot thokorronnot non annoreko cannan ana thoccokot cïkït ilon nthoꞌrïkot cik thoIli oIeccuo oMiccie.

2 Thocculunukkia 1:4

Ilen akka anïn othïngkakinenon ngngin onon ithoccokothe lon loIeccuo nthoꞌrungkot cik thon ilon loKapik ana thoccokot lon loKapik nomïkït thon ithiak ana nthantoka manna thaik thakkiettat thiak ikkitheththak.

Ipranin 1:14

Uꞌrupa wothothïlettat woKapik appik wakanang ikareko, okin thothïlathe akin athorekine ul iaik wathopakkot nothoꞌrettat.

Ipranin 10:36

Onon thonu itti onon thaccokot mïkït ilon othakka itti amma onon akkokkothe ila Kapik kongothe itti onon thakkot ana onon thakkettat nthokkettat thoporot.

Ipranin 11:33

Nthoccokot lon loKapik nocïkït okin thalkathe aꞌran wonili ana okkot lon ilocoꞌrotheik ana okin thokkattakanthet lon ila Kapik konekkenthet kin cik ana okin thikkathe cik ithoꞌrikit tholepa ana lakorronno oꞌrko kin.

Ipranin 12:1

Ittina inakka oron thaik iul woppot immat lon ngkït, ton opaꞌrine lon ilaik lalikineron cik ikathar appik ana lon ilokithak iliꞌriththaron othakka aron ullattarne nthullattarne ithakin thokenetton naron ocoꞌro.

Ipranin 13:7

Nokwarttikot ul iama mon ierntenet non lon loKapik. Nokwarttikot kathar ikakin thikikkot cik ngngin, ninnikot thoccokot lon nocïkït loKapik then.

Ipranin 5:11

Laik loppot ilanïn thongothe itti onïn theret anaruk lonthomat ongkenetta akka onon thomma ina lon cokoccokot.

Ipranin 6:15

Anakka Aprein poꞌrïkotheik nthoccokot cïkït, lon lokkattakanthok ilokat lonekkettanthok cik.

Iakup 1:3

akka onon thina itti thennekke thoccokot lon loKapik thon thakorronno amïkït mon opoꞌrathan.

2 Poththuruc 1:10

Pangkingon noreko cannan annokene ka kon ana ul wꞌrek itti Kapik kakkarot non ana kocomot non itti annoka ul wung ana amma onon akkokkothe lon elli onon thakannurat cik.

1 Iuanna 2:25

Ana ilen akka kwonekkenthet ton cik, ana manna thikkoik thothupuththuput.

Thitto 13:10

“Amma oplin ponu itti kwaeo ikorrkkor, kwonu itti kwaeo ikorrkkor. Amma oplin ponu itti kwio ngkꞌrittang ikukwit, kwonu itti kwio ngkꞌrittang ikukwit.” Elli lakeneron itti ul woKapik iupupure wonu itti waꞌrungkot ilon nthoccokot cïkït ana oꞌrungkot nothoꞌrumo nolon.