Ipranin 5:11 - LON ILOPOROT LOKAPIK NATHAM NꞌREK NNONATHAM NOMAꞌROT

¹¹ Laik loppot ilanïn thongothe itti onïn theret anaruk lonthomat ongkenetta akka onon thomma ina lon cokoccokot.

Ipranin 5:11 Iomraidhean Croise

Maththa 13:15

Akka mïkït moul enni monthomat ana unu wen wakannoccïkot cik ana okin thoꞌrumothe kït. Akka amma okonnoka ittina okin thaimmat cik ngkït ken ana occïkot cik nunu wen ana inaik nti ima men ana oprttakoik ana mpathikkiekin thoporot.’

Markkoc 8:21

Akwiꞌrekat kin itti, “Onon tharthuk inaiki?”

Lukka 24:25

Kwiꞌrekathekin itti, “Nthontha akka nthommaik ittina ana nthannoka thacokoccokot nthoccokot lon nomïkït ila ul wothernte lon loKapik weret.

Iuanna 16:12

Mponu lon lanerenenon loppot inenni anaruk lalkot non.

Iuanna 6:6

Kwipittot elli othakka itti akwenekkek anaruk kwappinat ila kwaik pathokkot.

Ngre 28:27

Akka mïkït moul enni monthomathe ikarak, okin thonu unu ana okin thomma occïkot cik, okin thonu kït ana okin thomma immaik. Akka amma okonnoka ittina okin thaimmat cik ana occïkot cik nunu wen, ina lon mmïkït men ana opaꞌrine lon cik ana mpittiet kin.’

Ipranin 5:10

akka Kapik konekkethok cik pul iprïk ponoppan toKapik, ammakka oMelkkiccathik pokat.

Ipranin 5:12

Ïcat onon thira thaakat ul iangkene nomaꞌri emmi pꞌrin anaruk onon thonu itti onon thangkenetta lon loKapik locittokït ilaik ïcat. Akka onon thanyukul inyarran inyako akka nyomma oꞌrko thuꞌrit ithonthomat.

2 Poththuruc 3:16

Ammakka laik iaꞌramacak wung appik iakkwokurrot weret lon len anaruk aꞌramacak wung wonat loꞌrek tit lonthomat loma inako ilaul iommaik ana iangkene ngkarra ongkene ngkathar moloko ammakka okin thongothe ana ilakin okkot nonatham nꞌrek akin ongwo ka ken.