Ipranin 4:7 - LON ILOPOROT LOKAPIK NATHAM NꞌREK NNONATHAM NOMAꞌROT

⁷ Ilen akka Kapik kappronekkenthet caꞌri cꞌrek cik ana kocciekathe itti “Inenni” cothiꞌriko nokaꞌran kothongoko thung. Kapik keret elli oThauth ngngin luput loppot akka ul woIccereil woprttakothe iKapik ntit iatham wen iulukku akiꞌre itti, “Inenni amma onon thoccïkothe poꞌre pung, annokorronno onthoma ma.”

Ipranin 4:7 Iomraidhean Croise

Maththa 22:43

Kwiꞌrekathekin itti, “Ana tat akka oThauth ipaik pere ngKanang koKapik akwakkarok itti ‘Ili’? Akka kwiꞌret itti,

Markkoc 12:36

OThauth ngka kung peret ngKanang ikupupure itti, ‘Ili Kapik wiꞌrethe Ili win, Ikkik thokkun wothothari win puccuk anonekkekat thoꞌrak thang thoceken coracok tang.’

Lukka 20:42

OThauth ngka kung piꞌret iatham woMocumur itti, ‘Ili Kapik wiꞌrethe Ili win itti, Ikkik thokkun wothothari win.

Ngre 2:29

Pangkingon, mperenenon ncinokkït itti, opiki ponnon Ili oThauth piot ana kwocïkkakot ana tupu tung tei cene manna inenni.

Ngre 2:31

Ana akka kwinat lon ilathokaik, kwerethe thuroko thoMiccie cakuruk itti Kapik kannokorronnok ippu ana manna ka kung kannokutta.

Ngre 28:25

Ul wannïꞌrïkat lon tothun ana okin wopettakatheik ntuan thanung akka oPoluc piꞌrethekin kin lon elli itti, “Kanang ikupupure kiꞌrethe oththen lon ïcat akka kiꞌret mpul pothernte lon loKapik oIccaia itti,

Ipranin 3:15

Ammakka liꞌrettat itti, “Inenni amma onon thoccïkothe poꞌre pung, annokorronno onthoma ma, ammakka nthokkothe maꞌrot akka nthꞌrat lon loKapik.”