Ipranin 11:3 - LON ILOPOROT LOKAPIK NATHAM NꞌREK NNONATHAM NOMAꞌROT

³ Nthoccokot lon nocïkït oron thina itti Kapik kokkothe capu ncik appik llon lung, ittina lon ilaron thaik thakathacce inenni lokkattathe nolon ilaron thakannimma.

Ipranin 11:3 Iomraidhean Croise

Iuanna 1:3

Ana Kapik kokkathe aꞌrupu appik nti ikkun wolon len ana papella ipokat cik pokkattathe aukun wolon len wakonnokkot.

Ngre 14:15

“Ul ngintha akka annokkinthet ittina? Onïn ul ionyi ammakka onon, onïn thaik thonanet non lon iloporot loIeccuo, itti nthapaꞌrine lon cik illella lon cik, annopakkinthet Kapik ikaik ïcat ikokkothe tothiꞌrot ana capu ana tok inapangka ana okkot aꞌrupu appik tit.

Ngre 17:24

Kapik ikokkothe capu ncik appik ana aꞌrupu iaik tit appik, iken Ili worothiꞌrot ana wonocapu ncik appik ana kannikkoik nonupan noKapik inuntat nyaul ionyi.

Roma 4:17

Ana ammakka lokurrakot itti, “Mpothikkierung oththan poul woppot.” Ook ongappa ponnon tokït koKapik ika kwoccokothe lon len nocïkït, Kapik ken ikethet ul thikkoik iillet ana ikakkot aꞌrupu iellat cik.

1 Kurunthuc 2:7

Anaruk onïn theret thinaik nti ica thoKapik ithamuꞌruttakot ncik itha Kapik konekkenthet thrïk thonnon cik acaꞌri carthuk okuꞌrtta ncik.

1 Thimiththaoc 4:5

Akka lon loKapik ana ngaꞌrama ngothopirane Kapik noka ngathikkie aꞌrupu wupupure itti wartta.

Ipranin 1:2

anaruk nomaꞌri emmi imocothothe, kerenet ton nukul wung ia kwopakkethe naꞌrupu woththan appik ana ia kwokkothe capu ngngin.

Ipranin 6:5

ana okin ithinothe thoporot tholon loKapik ana puꞌran poluput ilaik lanthan.

2 Poththuruc 3:5

Okin thella kït kolon loKapik itti kokkothe tothiꞌrot ana capu cokkattathe noiꞌri ana ngꞌri,

Thitto 4:11

“Ili wïn ana Kapik, ngkwekkot nan, itti ngkwacco thrïk ana othiakine cik ana puꞌran, akka oung akkokkohe aꞌrupu appik, ana wokkattathe akka ngkwongothe ana ngkwethet thikkoik.”