Ipranin 10:4 - LON ILOPOROT LOKAPIK NATHAM NꞌREK NNONATHAM NOMAꞌROT

⁴ akka lonthommat itti ngüccük ngonyura ana ngolicok nganeko lon ilokithak.

Ipranin 10:4 Iomraidhean Croise

Markkoc 12:33

Ongathok ncïkït cang appik ana ngatheꞌre ngang appik ana mpuꞌran pang appik, ana ongat ul wꞌrek ammakka ngkwongothe ka kang ilen akkoporot cannan naꞌrupu appik iokꞌrettanet Kapik ana aꞌrupu wothokinthet Kapik ngüccük cik.”

Iuanna 1:29

Ngorrot ngen oIuanna pimmakathe oIeccuo akwanthan naak akwiꞌrekat itti, “Nantokatha, thungkat thoKapik okkwi ipapaꞌre lon ilokithak cik nnocapu.

Roma 11:27

Ana thonekket lon cik thïn enthi ïnaththungon amma anonekot kin lon ilokithak len.”

Ipranin 10:1

Lon lothonceꞌret lon cik loMucca lapurrut polon iloporot ilaik lanthan, purrut empi okorronno oka lon ilaik ïcat. Akka nthokeccet aꞌrupu woüccük cik thupuththuput thakannothikkie ul woporot pꞌrin pꞌrin iaththaꞌrane Kapik ngaꞌrama.

Ipranin 10:11

Ana appinappin pul ponoppan toKapik pakkot ngre ngung ngonoppan toKapik opakkukket tit akwethet Kapik aꞌrupu wothokiot ngüccük cik ammakka akwokkettet anaruk lon len lakorronno opaꞌre lon cik ilokithak.

Ipranin 10:8

Kwiꞌret cittokït itti, “Aꞌrupu wothokiot ngüccük cik ana aꞌrupu wothethet nuthuk ana aꞌrupu wothokiot ngüccük cik iakꞌretta ana aꞌrupu wothokiot ngüccük cik nti ilon ilokithak, ana manna ngkwakannoka popirat noka nan” (antoka manna itti lon lothonceꞌret lon cik liꞌret itti lakkattat).

Ipranin 9:9

Aꞌrupu enni waik wangkeneron lon lomaꞌri emmi, wakene itti thethet aꞌrupu nuthuk ana thokinthet Kapik ngüccük cik thakannime pul ipoccokothe lon loKapik.

1 Iuanna 3:5

Anaruk onon thina itti oMiccie pummothe ncik othakka itti akwopaꞌre lon ncik nanon ilokithak. Ana onon thina itti kwakonnokkot lon lokithak.