Ipranin 10:32 - LON ILOPOROT LOKAPIK NATHAM NꞌREK NNONATHAM NOMAꞌROT

³² Nantokwarttikot akka nthokat maꞌrot, akka onon nthoccot kꞌran, ana onon thothïpathe cik kiththik ithokkiettat thiak.

Ipranin 10:32 Iomraidhean Croise

Ngre 26:18

anyinthet kin kït ana aukkwot kin nti iꞌrïmak anakin nokꞌran ana nti ikkun wopul pothopulut anakin ikkun woKapik itti alon len ilokithak occïkakot ana akin iot kaꞌran ithoꞌrkït thokkwion ithothakkat thupupure nthoccokot lon lin nomïkït men.’”

Roma 12:12

Nopira noka nothoꞌrïkot cik thon, ana occokot mïkït ilon ilokithak ana aꞌra ngaꞌrama appinappin nthoccokot lon nocïkït.

2 Kurunthuc 4:6

Akka Kapik ikiꞌret itti, “akꞌran occie cik iꞌrïmak.” kocciet kꞌran kung nomïkït monnon akethet ton kꞌran kothina thrïk thoKapik iaMiccie.

Pilippi 3:16

Anaruk oron thonu itti oron thamakot lon ilaik ïcat ilaron thoccïkothe nci nan.

Kulucci 2:1

Mpongothe itti onon thina itti tat akka mpaik paccokot thiak nti ilon lon ana thoul ioccokothe lon loKapik iaik nokaꞌran koLathukkia ana opilingon appik ithakarrnniman ngkït ken.

Ipranin 12:4

Nothrro thon ilon ilokithak, ntharthuk thakannorro puccuk annillekat.

Ipranin 5:12

Ïcat onon thira thaakat ul iangkene nomaꞌri emmi pꞌrin anaruk onon thonu itti onon thangkenetta lon loKapik locittokït ilaik ïcat. Akka onon thanyukul inyarran inyako akka nyomma oꞌrko thuꞌrit ithonthomat.

Ipranin 6:10

Kapik kakannokwïet lon ana kakannure nore ngon ana thongat ithanon thokenerok nthittarot ul wung ana nthittarot ithanon thoꞌrungkothe nan ittarot kin.

Ipranin 6:4

Laka lonthomat noul iopaꞌrinet lon loKapik cik itti wakkaprttako ntan akin opaꞌrine lon cik ilokithak amma winat lon loKapik ana okin ithina lon kicce laꞌrupu ia Kapik kethet kin nuthuk ana ithokat tothun akin oKanang ikupupure,

2 Iuanna 1:8

Noꞌrumoik othakka itti annokorronno uret ngre cik ianon thorekot anaruk aKapik okkenon kicce.

Thitto 2:5

Nokwarttikot lon ilopaꞌret non cik nti ikathar ikoporot, nopaꞌrine lon cik ilokithak annokkot lon iloporot ilanon thokat annokkettet ncinomun. Amma onon thakannopaꞌrineik ana mpainenon ana mpapaꞌre oꞌren cik na amuꞌru imonu ngaak iacco ikkoik.

Thitto 3:3

Nokwarttikot, thongkene ithanon thongkenettat ana kathar ikanon thoccïkothe ngngin, noccokot kiththik ana opaꞌrine lon len cik ilokithak. Anaruk amma onon thakannoꞌrumoik ana mpanthan ere pul pothuꞌran ana onon thakinnina itti mpaik panthan nocaꞌri cia.