Ioutha 1:15 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁵ waththonceꞌret lon loul cik appik ana attatta ul wolon ilokithak appik nti ilon ilokithak len ilakin thokkothe ana lon ilakin therethe Kapik ngngin ilokithak.”

Ioutha 1:15 Iomraidhean Croise

Iuanna 5:27

Ana kwethok lon lothakkma ikkun akka ook ukul wopul iponyi.

Ngre 17:31

Akka kwonekkethe caꞌri cik ica akwathakkma capu ncik appik okorronno okwïet pul mpul ipa kwonekketheik ana kwokenet ul appik itti pul pen okkwen nthurokwiek nti ithio.”

Roma 14:10

Ittina ngintha akka opilingon nti ianon akkmane opangon? Ana ngintha akka opilingon nti ianon okkot ngure napangon? Oron appik thathocoꞌro tokït koprrok pothakkma poKapik.

Roma 2:16

Elli lakaik nocaꞌri amma oIeccuo oMiccie athakkma ul mpuꞌran poKapik ammakka lon iloporot loIeccuo liꞌret.

Roma 2:5

Anaruk akka onon thonthomat ma ana mïkït imakannopaꞌrine lon cik ilokithak, onon thaik thaꞌrntinthet ka kon thua ka ithokithak nocaꞌri ica Kapik athokene ul thakkma thung ithocoꞌrotheik.

1 Kurunthuc 4:5

Ittina kirrnni akkma pul pꞌrek acaꞌri carthuk anthan cothakkmako, ocoꞌri puccuk aIli akkakat. Kwakene lon ncik appik ilokat lorukot ncik ana kwakene lon ilaik nomïkït moul appik. Nocaꞌri cen ul wapirietta noka kurekkurek nti ilon ilakin thokkothe.

1 Kurunthuc 5:13

Kapik kakkma okkwion ithaik thapat. “Nopettot ul cik wolon ilokithak nti ithoꞌrkït thon.”

1 Thimiththaoc 1:9

Oron thina cakuruk itti lon lothonceꞌret lon cik lokat lakannokkattanthet ul iakkot lon ila Kapik kongothe anaruk lokkattanthet ul iomma lon iakannoccïkot lon ana iakïtto lon iloporot ana iꞌrat lon loKapik, ana ionu lon ilokithak, iakannoka wupupure ana iakatha itti lon lella ilupupure ana ieret lon ilokithak noKapik. Lon lothonceꞌret lon cik lokkattanthet ul iangwo oththangon ana onangon ana ul iangwaro wꞌrek,

Ioutha 1:16

Okin thokat akin erekot ana aꞌrettakot ana okin omakot lon ilokithak ilakin thongothe ana okin omereket ka ken ana uwet ul iakin thongothe itti akin ipittot kin aꞌrupu iakin thongothe.

Thitto 13:11

Animmakat papu poripira pꞌrek apuroko nocapu, ponat lipil leꞌra ammakka lothungkat anaruk peret ere papu ipokithak ipungkot pre.

Thitto 22:20

Okkwi ipimmat lon elli ngkït piꞌret itti, “Amin. Mpaik panthan accokkot.” Ïï, aloka ïcat. Aꞌrik, Ili oIeccuo.