Iakup 5:6 - LON ILOPOROT LOKAPIK NATHAM NꞌREK NNONATHAM NOMAꞌROT

⁶ Onon thonekinet ul nili iellat lon cik ilokithak anili akkmakat kin, ana ongwo kin nuthuk okin ithakannaꞌretto ianon.

Iakup 5:6 Iomraidhean Croise

Maththa 21:38

Manakka akka ul iokat ara ikkon wimmat ukul, okin thikkatheik akin erettarne itti, ‘Opei empi ipapakkot nothaꞌrthan thoththan, nanthan urokkwothok aron opakkat nothaꞌrthan thoththan.’

Maththa 27:20

Anaruk ul ittïttïk woul wonoppan toKapik ana ul ittïttïk woul werekekathe ul itti okin thipitto oParapac akwelikkakinekin, aIeccuo okkuttat.

Maththa 5:39

Anaruk mpiꞌret non itti nokorronno orro ipul ipakkot lon ilokithak. Amma pul pꞌrek pokkworung thounu wokkun wothothari, aprttinok thounu wꞌrek cik.

Ngre 22:14

Apul pen iꞌrekat itti, ‘Kapik kongappa ponnon kakkarorung itti ngkwina lon lung ana imma oMiccie ipoporot tokït koKapik ana occïkot lon nti ithon thung.

Ngre 7:52

Pul pothernte lon loKapik piatha ipa aththen thannokkiet thiak? Okin manna thongwot okkwion ithiꞌret lon lothao thokkwi ipoporot tokït koKapik kirrkkir. Ana inenni nthokerorok ana okkwothok.

Ngre 8:32

Pul pen pokat cik apakkakkaro lon nti iatham woKapik iliꞌre itti, “Kwanekitta ere thungkat ithaik inyaun nyoul thakuttat, ana ere thungkat ithaik inyaun nyoul ithaik thathokettat tua, thangkoik icci, kwakanniꞌre lon lꞌrek aththik.

Ipranin 10:38

Anaruk ul win ioporot tokït koKapik wikkoik nthoccokot lon nomïkït, ana amma kwopakkothe thoceken nti ilon lin, ana mpakannopira noka naak.”

Iakup 2:6

Anaruk onon thella kït koiak. Annoka ul iaaꞌrthan akkaik wakwiet non ana ipo non annothakkamakoi?

Iakup 4:2

Onon thongothe aꞌrupu ianon thella, ana onon thangwo ul ana onon thrïk nan othakka itti anniot aꞌrupu wen ana icci onon thakinniot aꞌrupu ianon thongothe. Ittina onon thathatto ana aꞌretto. Onon thella aꞌrupu ianon thongothe akka onon thakannaꞌrane Kapik ngaꞌrama othakka itti anniot.

1 Poththuruc 4:18

Ana, “Amma lonthomat itti ul ioporot wakannoꞌrettat, laka taththa noul iomma Kapik ana iakkot lon ilokithak.”