Iakup 1:2 - LON ILOPOROT LOKAPIK NATHAM NꞌREK NNONATHAM NOMAꞌROT

² Pangkingon, nopira noka cannan amma onon akkapothe ilon lothoccokiettat thiak lꞌrek ammakka laik ncik appik,

Iakup 1:2 Iomraidhean Croise

Ngre 5:41

Ana ul wothothïlettat woIeccuo woththekathe nocuththun coul woIouth ittïttïk awopirat noka akka Kapik kiothekin nakin thekkot nothokinya ithakin thokkiettathe thiak nti ikꞌran koIeccuo.

Roma 5:3

Okonnoka ittina tulluk, anaruk oron thapira noka ithoreko thiak thonnon akka oron thina itti thoreko thiak cannan thanongkwiet ton ilon,

Pilippi 1:29

Akka onon thonu itti ntharekine oMiccie okorronno oka nthoccokot lon nomïkït tulluk anaruk nthoccokot thiak nti ilon lung.

Pilippi 2:17

Thoccokot lon loIli nomïkït thon ana ngre ngon ngaik ere papu pothokinthok ngüccük cik. Ana ngüccük ngin ngonu itti nguntat cik mpapu pothokiot ngüccük cik. Ana amma mpiot menik ana mpapira noka ana oron thapira noka unnaththut.

Pilippi 2:18

Ittina onon thaka thongothe lon len ana oron opira noka cakuruk unnaththut.

Kulucci 1:24

Mpopirat noka amma anoccokot thiak nti ilon lon. Akka mpaik pamartto thoccokot thiak itha Miccie paik paccokinthet ul ioccokothe lon loIeccuo.

Ipranin 10:34

Onon thonat thiak thoul iokat cik ikorrkkor ana onon thoccokothe thiak onaththungon, ana onon thokat thopirat noka akka ul wonnekothenon aꞌrupu, onon thongothe itti ul wanekot aꞌrupu wonocapu anthella thiak then, akka onon thina nan itti onon thonu aꞌrupu tothiꞌrot iakannomattat thupuththuput.

Iakup 1:12

Okkwi ipoccokothe lon nocïkït, kwethïetta akka amma kwennekkettat kwacco lon lothikkoik thupuththuput ila Kapik konekkenthet ul cik iongothok.

Iakup 1:16

Pangkingon, noꞌrumoik akka annammikkakot.

Iakup 1:19

Pangkingon, nantoccïkot lon elli, noccïkot lon papennang ana okorronno attakine lon cik nthere ana okorronno ua ka cokoccokot,

Iakup 5:11

Thethïeko thaka noul ioccokothe mïkït ilon. Onon thoccïkothe lon lothoccokot cïkït ilon lAiup ana onon thinat tat akka Kapik kokkinthok. Kapik koporot ana konu thiak.

2 Poththuruc 2:9

Kapik kina tat akka akoꞌret ul wung nti ithiak ioꞌrumot nolon lung anaruk okin thattattakot akin thaik akin oꞌrïkot caꞌri cothonceꞌret lon cik cothupuththuput.

Thitto 2:10

Nokorronno opellene lon ilanon thaik thathoccokot thiak ngngin. Mpiꞌret non itti pul pothopulut panekket opilingon ikorrkkor apennekkenon ana onon thakkiettat thiak maꞌri attul. Noꞌrungkot ithoccokot lon nomïkït manna nthantoka itti onon thille ana mpethet non thikkoik thothupuththuput.