Apuccuc 5:26 - LON ILOPOROT LOKAPIK NATHAM NꞌREK NNONATHAM NOMAꞌROT

²⁶ othakka itti akwothikkie tupupure, ana ime ngngꞌri ialon,

Apuccuc 5:26 Iomraidhean Croise

Iuanna 13:10

OIeccuo pothïatherit itti, “Pul ipopakkot ponu itti pimetta tacok tulluk, ka kung appik kella nguꞌru. Ana onon ul win iammakothin, onon thannoka appik thupupure.”

Iuanna 15:3

Onon thothikkiettat thoꞌrillir nti ilon ila mperenet non.

Iuanna 15:8

Elli lanane ongappa thrïk itti onon thakkot lon loppot iloporot ammakka kira ikakwono nyukul nyoporot ana annokene ka kon itti onon ul iammakothin.

Iuanna 17:7

Ana inenni okin thina itti aꞌrupu ncik appik ia ngkwethin waat naung.

Iuanna 3:5

AIeccuo othïat tit itti, “Mpiꞌrethung lon ilaik ïcat, pul pella piꞌriko ingili ngoKapik amma kwakannokwonta ngngꞌri ana ngKanang koKapik.

Ngre 22:16

Ngintha akka ngkwaik pappoꞌrïkot? Urokothe kapik acco mamuthie apaꞌre lon lang cik ilokithak, aꞌrane Kapik ngaꞌrama.’”

Ngre 26:18

anyinthet kin kït ana aukkwot kin nti iꞌrïmak anakin nokꞌran ana nti ikkun wopul pothopulut anakin ikkun woKapik itti alon len ilokithak occïkakot ana akin iot kaꞌran ithoꞌrkït thokkwion ithothakkat thupupure nthoccokot lon lin nomïkït men.’”

Roma 10:8

Anaruk lon len liꞌre taththa? “Lon loKapik laik iccik kang ana nothon thang ana nocïkït cang” ilen lothoccokot lon nomïkït loKapik ilanïn thaik thangkene.

1 Kurunthuc 6:11

Opilingon nti ianon thokat akin okkot ittina. Anaruk onon thothikkiettat thoporot nti ilon ilokithak, onon thothakkat thoKapik, nthopakkothe ikuꞌri ngKapik ngkꞌran koIli oIeccuo oMiccie ana mpuꞌran poKanang koKapik konnon.

2 Kurunthuc 11:2

Mpoꞌrianet non nthoꞌria ithoporot thoKapik. Mponeminthet non pul pulukku ana ook oMiccie ere ukul ioiꞌre ionemittanthet olle itti witta.

Apuccuc 6:17

Nako nyumurra nyorima inyonu itti thoꞌrettat anekat kꞌrittang ikukwit koKanang ikonu itti lon loKapik.

Kulucci 3:16

Alon loMiccie oka ianon ana nomïkït mon ana cannan amma anon ongkene ana ocimittaro llon iloporot nthinaik nti ica. Nongwo unye waꞌrama ana unye womocumur iapirie Kapik noka ana mmïkït mopiranet Kapik noka.

Thiththoc 2:14

Okkwiot itti akwelikkoron nti ilon iokithak ana akwothikkieron thoꞌrillir ana akwothikkieron ul wung iongothe okkot lon ilapirie Kapik noka.

Ipranin 10:10

Ana ittina llon ila Kapik kongothe, oron appik thothikkiettakathe thupupure nthio thoIeccuo oMiccie ngka kung itha kwinet ul appik caꞌri culukku.

Ipranin 10:14

akka mpapu pothokiot ngüccük cik pulukku kwothikkiekathe okkwion ithokat thupupure thoporot kirrkkir.

Ipranin 10:22

ton eo iccik koKapik mmïkït moporot ana ona thoccokot lon nomïkït thonthomat ana mïkït moꞌruttat ngngüccük angothikkieron thoporot nolon ilokat nomïkït lokithak, ana ona ka kimettat ngngꞌri ngoꞌrillir.

Ipranin 10:29

Laka lokitheththak nopul iponu itti pakkmako ipocukkwarothe ukul woKapik cik ana okkwi ipokathat ngüccük ngothonekket lon cik iothikkierok poꞌrillir ere ngella lon cik ana okkwi ipocungkwot Kanang koKapik ikakeneron thiak.

Ipranin 13:12

OIeccuo cakuruk pokkiettathe thiak thapat nokaꞌran othakka itti akwothikkie ul wupupure ngüccük ngung.

Ipranin 4:12

Akka lon loKapik laik ïcat ana laik lareko. Lorrerre nokiꞌrittang ikorre ikukwit ana liꞌriko ciki ikkwa ithoꞌrkït thoka ana iutha ana imapurut ana ithucca thomummian ana lina lon laathꞌre ana lon ila cïkït congothe.

Ipranin 9:14

Anaruk ngüccük ngoMiccie akkoporot noüccük ngaꞌrupu worua enni appik. Kwethet ka kung ngKanang kothupuththuput itti kwio ere papu pothokiot ngüccük cik ipella lon ilokithak. Ngüccük ngung ngathikkieron thoꞌrillir nti ilon ilokithak ilananeron thio othakka itti aron ina akka oron orekine Kapik ikaik thupuththuput.

Iakup 1:18

Kwongkothe itti oron thakwonta thie llon ilaik ïcat, othakka itti aron oka thonothon naꞌrupu appik ia kwokkothe.

1 Poththuruc 1:2

Kapik ongappa kinanon ncimaꞌrot ana kopettot non ngkanang annoccïkothok ana inenni oIeccuo poꞌrot non ngüccük ngung. Mpongothe itti onon thana thoporot thung ana thomicco thung thoppot nothikkoik thon.

1 Poththuruc 3:21

ngꞌri engngi ngakene itti mamuthie maꞌret non inenni, okorronno oka thime nguꞌru noka anaruk lakene Kapik mïkït monnon imoporot nthuroko thoIeccuo oMiccie nti ithio,

2 Poththuruc 1:9

Ana okkwi ipella lon elli kwiꞌrimathe ana kuret nan itti lon lung ilokithak loccïkakinthok nci maꞌrot.

1 Iuanna 5:6

Ook empi ipaat ngngꞌri ngomamuthie mung ana ngüccük inga kwiot ngngin, ook oIeccuo oMiccie. Kwakannanthan ngngꞌri tulluk anaruk ngngꞌri ana ngüccük. Ana Kanang koKapik akiꞌre itti laik ïcat akka Kanang koKapik kalon ilaik ïcat.

Ioutha 1:1

Lon elli naun oun oIoutha pul iparekine oIeccuo oMiccie ana oun opang poIakup ana laine okkwion itha Kapik opappa pakkarot ana kongothekin ana itha oIeccuo poꞌrumot nan.