2 Thocculunukkia 1:12 - LON ILOPOROT LOKAPIK NATHAM NꞌREK NNONATHAM NOMAꞌROT

¹² Onïn thaꞌra ngaꞌrama engi othakka itti akꞌran koIli oIeccuo omerekettat ianon ana anon omerekettat iak ammakka thoporot thoKapik konnon ana Ili oIeccuo oMiccie.

2 Thocculunukkia 1:12 Iomraidhean Croise

Iuanna 17:10

Ila mponu appik lang ana ila ngkwonu appik lin. Ana thrïk thainin nti iakin.

Roma 1:7

Mpaik pakurrinenon appik ul wonokaꞌran koRoma iaKapik kongothe ana kakkarot itti athakka ul iupupure woKapik. OIeccuo oMiccie pethet non thoporot ana lon iloporot loKapik oNgappa ponnon.

1 Kurunthuc 1:4

Mpapirane Kapik noka appin appin nti ithoporot thung ithakkwethet non nti ilon loMiccie oIeccuo ilanon thaik tit.

2 Kurunthuc 13:4

Othakka itti aron ina itti kwokat pokkuttathe ere kwommangka anaruk inenni kwokkot cik mpuꞌran poKapik. Ammakka menik onïn cakuruk thommangka ilon lung anaruk mpuꞌran poKapik onïn thakkoik ïnaththut anïn orekinenon.

2 Kurunthuc 8:9

Ana onon thina thoporot thoIli oIeccuo oMiccie itti kwokat papaꞌrthan anaruk kwothakkat paraco nti ilon lon othakka itti nthothakka paraco thung annothakka thaꞌrthan.

Pilippi 3:9

ana onïn oka thulukku ïnaththeꞌra. Mpakannothikkie ka kin poporot tokït koKapik nthomakot lon ilocoꞌrotheik loMucca anaruk mponekkethe cïkït naMiccie itti kwathikkien poporot. Thothakka poporot tokït koKapik thathakka nthoccokot lon nocïkït.

2 Thocculunukkia 1:10

nocaꞌri ica kwao akwathomerekettat iul wung appik ioccokothe lon lung nomïkït. Onon thaka naththungon akka onon thoccokothe lon lïn nomïkït ilanïn therenet non.

Thiththoc 2:11

Akka Kapik kokenet thoporot thung ithanane ul thoꞌret appik.

1 Poththuruc 4:14

Amma nthocungkwakot nti ikꞌran koMiccie, katha nthethïettat, akka Kanang kothrïk ana koKapik kaik nanon.

Thitto 1:4

Elli laat naIuanna ana laine ul ioccokothe lon loIeccuo naꞌran ieꞌreꞌrapuruk noththok pAccia. Lon len liꞌret itti thoporot ana thomicco thaik thainenon noKapik iakaik ana ikokat cik ana ikaik kao, ana nokanang ikeꞌreꞌrapuruk tokït koprrok pung poili,