2 Poththuruc 3:11 - LON ILOPOROT LOKAPIK NATHAM NꞌREK NNONATHAM NOMAꞌROT

¹¹ Ana amma aꞌrupu appik wellaik ittina, onon thaka taththa? Lakannoka itti onon thamakot kathar ikoporori ikupupure koKapiki? Ana occokot lon loKapik nomïkït papenangi?

2 Poththuruc 3:11 Iomraidhean Croise

Maththa 8:27

Ul woprttakatherit ana wikkatheik aipitto itti, “Pul pokartha empi? Pakanang ana thopangka thoiꞌri occïkot lon len.”

Roma 13:11

Nokkot elli, annina lon locaꞌri icaron thaik nan. Caꞌri caat icanon urutta ngngin nti inthe pꞌrin akka maꞌri mothoꞌret makko napuththut iccik konnon, nnomaꞌri morokït akka oron thoccokothe lon nomïkït loIeccuo.

Roma 13:12

Cik caik cakatto ana cïngkï caik cappo. Ittina ton opaꞌrine ngre ngorïꞌrïmak cik, aron oreko ngre ngoricïngkï.

2 Kurunthuc 1:12

Elli akka anïn ipot ka thoura ngngin, itti mïkït mïn miꞌre itti thikkoik thïn cene nocapu ncik appik ana cannan kuꞌri ikaron thonat ithun ikaat noKapik kokat kupupure ana kellat karra. Onïn thokkothe ittina okorronno oka ammakka thinaik thonocapu anaruk ammakka thoporot thoKapik.

Pilippi 1:27

Iloporot cannan inenni itti onon thakkoik, thikkoik itha lon iloporot loIeccuo oMiccie longothe itti onon thakkoik, othakka itti amma mpaik ianon ana manna mpella, mpaccïkot itti onon thoꞌrumot nolon ilanon thonu ithun ana ilen itti onon thaik thaꞌrettine thoccokot tholon nomïkït tholon iloporot loIeccuo.

Pilippi 3:20

Anaruk oron thaul worothiꞌrot ana oron thaik thaꞌrikot pul pothoꞌret ponnon, Ili oIeccuo oMiccie akwanthan ntothiꞌrot,

Atham iaine ul woThocculunukkia 1 1:5

Akka thongkene thïn ithanïn thongkenet non tholon iloporot loIeccuo thakannoka lon nuthuk, anaruk thokat mpuꞌran poKapik ana Kanang ikupupure ana ilanïn thina papenang itti laik ïcat. Onon thina tat akka oron thikikkot cik unaththungon ana akka onïn nthokkinthet non lon loporot anïn ittarot non nolon loka kon.

1 Thimiththaoc 3:16

Mpiꞌret non itti kumitta ika Kapik kokenetton krïk cannan. Kokenetton tat akka oron ikkoik ammakka Kapik kongothe. Kummothe ncik ngka kopul iponyi ana Kanang koKapik ikupupure kokenet itti kwaik pakkot lon ilocoꞌrotheik ana uꞌrupa wothothïlettat woKapik ilon len wimmat oIeccuo. Ana ul werekanthet ul lon iloporot loIeccuo ncik appik ana ul woccokothe lon lung nomïkït. Ana kwonekittathe tothiꞌrot nthïrïk.

1 Thimiththaoc 4:12

kirrnni okorronnokin akin okathang ere ngkwotte othakkanekin pul ipakin oneko lon nan, okin ithoccokothe lon loIeccuo nomïkït, nthere thang ana nthikkoik thang, nthongat thang ana nthoccokot lon loKapik nocïkït thang ana nthupupure thang.

1 Thimiththaoc 6:11

Anaruk Thimiththaoc oung pul poKapik, kirrinni elli appik, ommakothe lon iloporot ana ngkathar ikapirie Kapik noka ana thoccokot lon loIeccuo nocïkït ana thongat ana opoꞌrathan ana oka poporot lon.

1 Thimiththaoc 6:3

Okkwi ipongkenet thongkene ithakannocoꞌrot cik ana ꞌra occïkot lon iloporot loIli oIeccuo oMiccie ana thongkene ithakeneron itti oron thikkoik tat,

1 Thimiththaoc 6:6

Anaruk thoka paꞌrthan thonu itti thomakot lon loKapik ana oka popirat noka naꞌrupu ia ngkwonu.

Ipranin 13:5

Nokorronno occot kït nakucci cannan anaruk nopira noka naꞌrupu ia nthonu, akka Kapik kiꞌret itti, “Mpakorronno ure nanon ana mpakorronno oththe nanon.”

Iakup 1:24

akka kwakatha ka kung akwoingkat akurekat nan accokkot itti kwokat tat.

Iakup 3:13

Opilin paik ianon pinaik nti ica ana pina loni? Akwokene thinaik thung nthikkoik thoporot ana ilon ila akwokkot nthinaik nti ica ithakannipot ka thoura.

1 Poththuruc 1:15

Anaruk ammakka okkwi ipakkarot non pupupure, noka thupupure iire ianon thaik thakkot appik.

1 Poththuruc 2:12

Nikkoik thikkoik thoporot iul iomma lon loKapik, antoka manna itti okin tharuket non nthokkot lon ilokithak, okin thimma ngre ngon ioporot ana okin thamereket Kapik nocaꞌri icakanthan.

2 Poththuruc 1:3

Puꞌran pung ipaik prek pethet ton aꞌrupu appik iaron ikkoik ngngin thikkoik itha Kapik kongothe ngkathar ikaron thinak ngngin okkwi ipakkarot ton nthrïk thung ana thoporot thung.

2 Poththuruc 1:6

ana arttot thoꞌrumo noka nothinaik ana arttot thoccokot cïkït ilon nothoꞌrumo noka ana arttot thoporot nothoccokot cïkït ilon,

2 Poththuruc 3:10

Anaruk caꞌri coKapik canthan ere pul pothuꞌran. Tothiꞌrot thinta cik nthuleꞌrak ana aꞌrupu appik wakoꞌro nthïk ana capu ana ngre ngaik tit ngapeꞌriccakot cik

2 Poththuruc 3:12

Ana anon thaik anocoꞌrine caꞌri coili Kapik icanthan, onokuccekinthet cik acanthan accokkot. Caꞌri cen cana thokïttoik ana tothiꞌrot takoꞌro ana aꞌrupu appik wathakka ngꞌri llü.