2 Poththuruc 1:16 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁶ Onïn thakorronno occot kït nerung iokuꞌrettat akka onïn therenet non lon lopuꞌran pothao thoIli oIeccuo oMiccie, anaruk onïn thimmat lon ngkït kïn lothïrïk thung.

2 Poththuruc 1:16 Iomraidhean Croise

Maththa 16:27

Akka ukul wopul iponyi waik wanthan nthrïk thoththan pung nuꞌrupa wothothïlettat woKapik, ana kwakke ul wululuk llon ilakin thokkothe.

Maththa 16:28

Mpiꞌret non lon ilaik ïcat, opilingon nti iul enni iaik wacoꞌro cene thakannille akin tharthuk imma ukul wopul iponyi anthan ngngili ngung.”

Maththa 17:1

Anakka maꞌri meot ncik mꞌrakkuruk, oIeccuo pipathe oPoththuruc ana oIakup ana oIuanna opang poIakup, akwonekat kin thellek ci noꞌra wocoꞌrong cukwit.

Maththa 24:27

Akka thao thokkul wopul iponyi thimmako ere kꞌran kothuleꞌrak amma tholliot nci na acïngkï ummot ngngin akꞌran ken oingkat ci na acïngkï orungkwot.

Maththa 24:3

Anakka oIeccuo pokat cik akwikkoik nocoꞌrong coCeththun, ul iammakothok wakkakanthok pellek akin iꞌrekat itti, “Iꞌrethenïn itti lon elli lakaik acintha ana lon liatha ilakene itti ngkwaik pao ana thocothakot tholuput?”

Maththa 28:18

OIeccuo pothakkarathe iccik ken akwiꞌrekat kin itti, “Ongappa pethin ngili ikkun appik ngolon lorothiꞌrot ana lonocapu.

Markkoc 13:26

Caꞌri cen ul ionyi wimma ukul wopul iponyi anthan nti inuththe mpuꞌran ana nthïrïk.

Markkoc 14:62

AIeccuo iꞌrekat itti, “Ïï oun. Ana ngkwimma ukul wopul iponyi aikkoik thokkun wothothari wokkwi ipakorronno alkakot ana anthan nonuththe norothiꞌrot.”

Lukka 1:2

Okin thokurrot lon ammakka lerettanet nïn nul immat lon ncinomun ana okin ithongkenet lon loKapik.

Lukka 9:43

Aul iokat cik cïnang appik oprttakanthet lon len tit lopuꞌran poKapik. Anakka okin thokat akin oprttakinthet lon len tit appik ila oIeccuo pokkothe kwiꞌrekathe ul iammakothok itti,

Iuanna 1:14

Lon lothakkakathe ka kopul iponyi akikkat cik iaron. Oron thimmat thrïk thung, thrïk thung pulluk pen okkwi ipaat naththan, nthoporot thoppot ana lon ilaik ïcat.

Iuanna 17:2

Akka ngkwethok ngili ikkun ngolon loul appik itti akwethet kin thikkoik thothupuththuput okkwion itha ngkwethok.

Roma 1:4

Ana ook ipokenettat ngKanang ikupupure itti ook ukul woKapik ana nthuroko thung nti ithio, ook oIeccuo oMiccie Ili wonnon.

1 Kurunthuc 1:17

Akka oMiccie pokat pakorronno othïothin itti mpathethet ul mamuthie anaruk itti mpathongkene lon iloporot loIeccuo, okorronno oka nthinaik nti ica thopul iponyi anaruk anina nan itti thiot thoMiccie nothapak thakarrnno urat puꞌran cik ntit.

1 Kurunthuc 1:23

anaruk onïn thangkene lon lothiot thoIeccuo nothapak, thongkene then thonthomat noul woIouth ana ul iakorronno oka woIouth wokatha itti thongkene then thellat lon cik.

1 Kurunthuc 1:7

Ittina onon thakorronno oka thella thethettat nuthuk thoKanang ikupupure koKapik anon thaik thaꞌrikot Ili wonnon oIeccuo oMiccie akwokkaprttako ntan.

1 Kurunthuc 2:1

Pangkingon, akka mpainet non mpakarrnnaine non othakka itti anokenenon itti mpinaik nti ica, mpaththerenenon lon loKapik.

1 Kurunthuc 2:4

Lon lin ana thongkene thin thokat thakannoka thothinaik nti ica ana mpellat lon lopeththere anaruk mpokat pittarakothe mpuꞌran poKanang ikupupure koKapik,

1 Kurunthuc 5:4

Ana amma onon thaꞌrntakothe ithun ngkꞌran koIli oIeccuo ana oron thaka uraththut ngKanang koKapik ana puꞌran poIli wonnon oIeccuo pakaik.

2 Kurunthuc 2:17

Oron thakorrnno oprtto lon loKapik llon lꞌrek ammakka opilinngon okkot anaruk oron there lon ilaik ïcat ngkꞌran koMiccie tokït koKapik karkko ul iothïlathe noKapik.

2 Kurunthuc 4:2

Anaruk oron thopaꞌrinet lon cik ilokithak ilakkattat thuꞌran ana okorronno ere karra ana okucitto lon loKapik cik. Anaruk amma oron ere lon ilaik ïcat ncinokkït oron thakene itti lon lonnon laik ïcat tokït koul ana koKapik.

Apuccuc 4:14

Ittina oron thakannoka ammakka nyukul inyarran, inyalon oprtto ere thopangka thoiꞌre ana lon lothongkene thoul ngkarra aukkukkot ere kanang amma akokkurarot cik akin urttakat cik.

Pilippi 3:21

ook iponu lon ikkun appik ana kwaprtto ka konnon cik konocapu akwothikkie ka konnon ammakka ka kung korothiꞌrot.

Atham iaine ul woThocculunukkia 1 2:19

Onon akkakorronnot nïn ïnina itti lon lathakka loporot ana opira noka, onon akkakorronnonïn ïnipot ka thoura amma Ili oIeccuo anthan.

2 Thocculunukkia 2:9

Anaruk thummot ncik thopul pouꞌru ipokithak pathokkot lon lothamit ana lon ilakene itti lon len lopul pothopulut

1 Thimiththaoc 1:4

Iꞌrethekin itti akin ocoꞌro nti itharttot lon lotheret ꞌran wothiki akka lon len lereket thopllarot ana lakannittarot lon ila Kapik konekketheik itti laccokittat nomïkït.

1 Thimiththaoc 4:7

kirrnni occïkot lon lokerung lokarra ilakannoka loKapik ana ilella lon cik anaruk okuccekiethe ka kang cik athakka pul polon loKapik.

Thiththoc 1:14

Ana okorronno okkwine lon lokerung koul woIouth unu ncik ana lon loul ionyi iꞌrat occïkot lon ilaik ïcat.

2 Poththuruc 2:3

Ul iangkene ngkarra wen wonu thiak thaꞌrupu won tulluk. Okin thamona nanon nerung ikakin thokkothe. Anaruk Kapik konekkenthet kin thattatta cik ncimaꞌrot ana thokꞌrekin thaik thaꞌrikot kin thakannoppo cipit aththik.

1 Iuanna 4:14

Ana onïn thimmat ngkït kïn itti oNgappa pothïothe ukul wung athoka okkwi ipathoꞌret capu ncik appik.

Ioutha 1:14

Anuk ipeꞌreꞌrapuruk nothiki thAtham perethe ul enni akwiꞌrekat itti, “Kapik kaik kanthan nul wung woppot iupupure

Thitto 1:7

Nantokatha, kwei panthan nnuththe, ana kït appik kimmak, ana manna ul ierok ngkathuk ana ul wonocapu appik woo ana ipo thiak. Amin.