2 Kurunthuc 6:4 - LON ILOPOROT LOKAPIK NATHAM NꞌREK NNONATHAM NOMAꞌROT

⁴ Anaruk ammakka ul iarekine Kapik onïn thakene llon appik itti onïn thaul iarekine Kapik nthoccokot cïkït ilon ilonthomat ana amma lon lalkothenïn ana onïn thomma akka anïn okkot,

2 Kurunthuc 6:4 Iomraidhean Croise

Lukka 21:19

Ngonoccokot mïkït tangattang, ana onon thaꞌret ka kon.”

Iuanna 16:33

Mpiꞌrethenon lon elli itti annapot mïkït cik. Onon thaccokiettat thiak cene nocapu ncik appik anaruk nopoꞌrathan, akka mpalkothe lon lonocapu appik.”

Ngre 2:22

APoththuruc apperekanthet kin akwiꞌrekat itti, “Ul woIccereil, noccïkot lon elli, oIeccuo poNaccir pokat pul ipa Kapik kekkiet nan nanon nthokkot thung lon ilommaththik ana lon ilakene pangken ammakka onon ngka kon thina.

Ngre 20:34

Onon thina kicce itti mporekot nynyaun nyin othakka itti aniot akucci anokatha ngka kin anokathakat ul ianïn thaik.

Ngre 9:16

Mpakenek tat akka akwokkiettat thiak nti ikꞌran kin.”

Roma 14:18

Akka amma pul iporekinet oMiccie ngre ammakka engi, Kapik kapira noka naak ana ul wangathok cakuruk akka Kapik kongothok.

Roma 16:10

Nomicco Apellec okkwi ipennekkettat ana kwinako itti kwaik ithoccokot lon loMiccie. Nomicco Ariciththoploc ana ul woruan thanung.

Roma 3:5

Anaruk amma lon lonnon ilokithak lana thoporot thoKapik papenang oron thame taththa? oron thame itti Kapik engki kakannocoꞌrot lon cik akka kua ka naroni? Mpaik paꞌretto karkko pul iponyi.

Roma 5:8

Anaruk Kapik kokenet ton thongat thung nthiot thoMiccie nothapak akka oron thokat tharthuk thonat lon ilokithak.

1 Kurunthuc 3:5

Nantokorronno elli appik, Apolloc oththa? Ana oPoluc oththa? Okin thakorronno oka ul iarekine Kapiki, ana okin ithokorronnot non anoccokot lon loKapik ammakka Ili wikkethekin ngre ngen kurekkurek itti okin thakkot.

1 Kurunthuc 4:1

Ittina onon nthonu itti nthakatha nïn ammakka ul iarekine oMiccie ana ul iangkene lon loKapik ila amuꞌruttakot ncik.

1 Kurunthuc 9:11

Amma onïn therenet non lon loKanang ikupupure, laka lonthomat itti onïn thiot thuꞌrit ana aꞌrupu wꞌrek nanoni?

2 Kurunthuc 11:23

Okin thaul iarekine oMicciei? (mpaik pere ere pul iponu purrut) Anaruk mpapul iparekine oMiccie cannan nakin. Mpokat ikorrkkor maꞌri moppot ana mpopokot cannan ana mpokat ere mpakkuttat attang ana attang.

2 Kurunthuc 11:27

Mporttekot ana okinya anganna ana mpakannoincicce inthe ana tï tokkuttethin ana pica ana kanang cannan ana mpokkat cunthut.

2 Kurunthuc 11:9

Anakka oron thokat aththut mponat thiak thaꞌrupu anaruk mpakannomie pul pꞌrek, akka opang ponnongon ithaat noththok poMakthonia thittarathin naꞌrupu ia mponat thiak then. Mpoꞌrumot nan itti mpakorronno ommie pul pꞌrek ana mpaꞌrungkot nan okorronno ommie pul pꞌrek.

2 Kurunthuc 12:10

Ilen akka mpopiranet noka nothommangka thin ana amma ul ocungkwon ana occokiethin thiak ana attan ana ilon ilonthomat nti ilon loMiccie. Akka amma mpommangka, ampopoꞌrot than.

2 Kurunthuc 12:12

Mpina pul pꞌrek ipoccokothe lon loMiccie iponekittathe tothiꞌrot iraꞌrapuruk noluput ileot ncik attul ana ikken kocoꞌrin, mpomma amma kwonekittat ngka kung ana manna okorronno oka ngka kung mpomma, Kapik kulluk akkina.

2 Kurunthuc 2:17

Oron thakorrnno oprtto lon loKapik llon lꞌrek ammakka opilinngon okkot anaruk oron there lon ilaik ïcat ngkꞌran koMiccie tokït koKapik karkko ul iothïlathe noKapik.

2 Kurunthuc 3:6

Ook akkokorronnot nïn anïn okkot ngre ngothonekket lon cik ilie ilella lon lothonceꞌret lon cik anaruk ilokurrakot ngKanang ikupupure koKapik akka kaꞌramacak kothonceꞌret lon cik kakkwot pul anaruk Kanang koKapik kethet pul thikkoik.

2 Kurunthuc 4:17

Akka thiak enthi thotte itharon thaik thaccokot thakuccenthet ton thrïk thothupuththuput ana ithakorrnno aron ure nothoccokot thiak thonnon.

2 Kurunthuc 4:2

Anaruk oron thopaꞌrinet lon cik ilokithak ilakkattat thuꞌran ana okorronno ere karra ana okucitto lon loKapik cik. Anaruk amma oron ere lon ilaik ïcat ncinokkït oron thakene itti lon lonnon laik ïcat tokït koul ana koKapik.

2 Kurunthuc 4:8

Oron thaik thaccokot thiak llon appik anaruk oron thakarrnnalkakot ana oron thommat itti oron thakkot tat anaruk oron thakarrnnapo ka ntit

2 Kurunthuc 7:11

Nantokatha tat akka thuaka ithaat noKapik thokkothe ianon, thokorronnot non annokkot lon ïcarïcat ana thongat itti nthakkot lon kicce ana nthokenet itti onon thella lon ilokithak ana thokuccekot cik ana thokwancot lon ilanon thongothe, ana onon thokenet itti onon thongothe itti lon lakkattat ella thokwiettat. Ana ilon appik onon thokenet itti onon thella lon lokithak ilon elli appik.

Kulucci 1:11

ana onïn cakuruk thaꞌranenon ngaꞌrama itti onon thathakka thonthomat mpuꞌran pothïrïk thung, othakka itti annoꞌrungkot ithoccokot mïkït llon ncik appik nthopira noka.

Kulucci 1:24

Mpopirat noka amma anoccokot thiak nti ilon lon. Akka mpaik pamartto thoccokot thiak itha Miccie paik paccokinthet ul ioccokothe lon loIeccuo.

Atham iaine ul woThocculunukkia 1 3:7

Pangkingon, thokinya thïn ana thoccokiettat thiak thïn enthi appik, onïn thomerekettathe nthoccokot tholon loKapik nomïkït thon.

Atham iaine ul woThocculunukkia 1 5:14

Pangkingon, ïntherenet non itti nerene ul ionu ngore akin oreko, nittarot ul ionu nꞌre ana nittarot ul iommangka noccïkarot appik nthothiarneik.

1 Thimiththaoc 2:15

Anaruk pul ipopari pantokwono nyukul nthokinya paꞌrettat amma poꞌrungkothe ithoccokot lon loKapik nocïkït ana ithongarot ana pupupure ana oka pinaik nti ica.

1 Thimiththaoc 4:6

Amma ngkwiꞌrethe opang ponnongon ithoccokothe lon loIeccuo lon elli ngkwaka pul ipareko ipoporot poIeccuo oMiccie ipupothakothe ilon ilaik ïcat lothoccokot lon loKapik nocïkït ana lothongkene ithoporot itha ngkwomakothe.

1 Thimiththaoc 6:11

Anaruk Thimiththaoc oung pul poKapik, kirrinni elli appik, ommakothe lon iloporot ana ngkathar ikapirie Kapik noka ana thoccokot lon loIeccuo nocïkït ana thongat ana opoꞌrathan ana oka poporot lon.

2 Thimiththaoc 1:8

Ittina kirrinni othiaik itti ngkwerene ul lon iloporot loIli oIeccuo kirrinni othianin cik oun ipaik iloꞌrak nti ilon loIeccuo. Anaruk tun oka ithun ithokinya thothere lon iloporot loIeccuo, akka Kapik kittarot tit mpuꞌran pung.

2 Thimiththaoc 2:24

Pul iparekine Ili oIeccuo pokonnoka pothaꞌretto, ponu itti paka poporot noul appik ana ina itti kwangkene lon loKapik ana ona thoccokot cïkït amma ul okkothok lon lokithak.

2 Thimiththaoc 4:5

Anaruk Thimiththaoc, oka poccokothe cïkït amma akkiettat thiak, okkothe ngre ngopul pothongkene lon loIeccuo. Okkothe ngre appik ngaKapik ipittothung itti ngkwakkot.

Ipranin 12:1

Ittina inakka oron thaik iul woppot immat lon ngkït, ton opaꞌrine lon ilaik lalikineron cik ikathar appik ana lon ilokithak iliꞌriththaron othakka aron ullattarne nthullattarne ithakin thokenetton naron ocoꞌro.

Thitto 1:9

Oun oIuanna opang pon ana oron thulukku ithoccokot thiak ana ingili ana ithoccokot cïkït thonnon ilon loIeccuo, mpokat nocarkan corirok irapangka nokaꞌran koPaththamoc nti ilon loKapik ana ilimmakot ngkït loIeccuo.

Thitto 3:10

Ana inakka onon thoꞌrumot nolon lin ilonthomat nthoccokot cïkït ilon, mpangwot non nocaꞌri icaik canthan nocapu appik acathennekke okkwion ithaik thikkoik nocapu appik.