2 Kurunthuc 6:10 - LON ILOPOROT LOKAPIK NATHAM NꞌREK NNONATHAM NOMAꞌROT

¹⁰ amma onïn thaik nothiak anaruk anïn thopirat amma onïn thella aꞌrupu cik anaruk anïn othikkie opilingon aꞌrthan ana amma thella aꞌrupu cik anaruk anïn thonu aꞌrupu appik.

2 Kurunthuc 6:10 Iomraidhean Croise

Maththa 5:12

Nopira noka ana iriko, akka thokketta thon ithrïk thaka tothiꞌrot, nina nan itti okin thocciccokiethe ul wothernte lon loKapik thiak tokït nanon.”

Maththa 5:4

Thethïetta thaka noul iaik waccokot thiak, akka okin thapiettat cik.

Lukka 6:21

Thethïetta thaka thon onon ithiamat inenni akka onon thaththakat. Thethïetta thaka thon onon ithaik thoo inenni, akka onon thathocciro.

Iuanna 16:22

Ittina inenni caꞌri cothoccokot thiak con enci, anaruk mpappimma non ana onon thapira noka ana pul pella panekot non thopira noka thon.

Ngre 16:25

Ana thampang thongkꞌra oPoluc ana oCcila thikkatheik akin aꞌrane Kapik ngaꞌrama ana ongwo kinye ana ul wꞌrek iokat ikorrkkor wokat akkwinekin kunu ncik accïkot kin.

Ngre 3:6

APoththuruc iꞌrekathok itti, “Mpella mallong imallio ana manna thaap anaruk mpethung ia mponu, ngkꞌran koIeccuo oMiccie poNaccir, uroki anyaro.”

Ngre 5:41

Ana ul wothothïlettat woIeccuo woththekathe nocuththun coul woIouth ittïttïk awopirat noka akka Kapik kiothekin nakin thekkot nothokinya ithakin thokkiettathe thiak nti ikꞌran koIeccuo.

Roma 11:12

Anaruk amma lon ilokithak loul woIouth lonu itti thaꞌrthan nocapu ana thapukko then thonu itti thaꞌrthan thoul iakannoka woIouth, thaꞌrthan thaka taththa amma wokkaprttakot ntan appik.

Roma 12:15

Nopira noka nnul iaik wapira noka ana oo nnul iaik woo.

Roma 15:13

AKapik kothoꞌrïkot, ethet non thopira noka ana thomicco ammakka onon thonekkethe cïkït naak, othakka itti anon ona thoꞌrïkot cik thoppot, mpuꞌran poKanang ikupupure.

Roma 8:32

Akka kakannꞌra nukul wung anaruk kwethet ton ngok ana kwakorronno ethet ton aꞌrupu appik okin opei nuthuki?

Roma 9:2

Mponu thiak nocïkït thoul win cannan ana thiak then thomma ocoꞌro nocïkït.

1 Kurunthuc 1:5

Akka onon thothakkat aꞌrthan iaak llon ammakka itti nthere ithannere ngngin appik ana ithinaik ithanon thinaik ngngin appik.

2 Kurunthuc 2:4

Akka mpokurrinet non lon elli, acïkït cakannoka coporot cannan ana ngeme ikït ana okorronno oka itti anipienon thiak anaruk othakka itti annina itti mpongothenon cannan.

2 Kurunthuc 4:15

Elli appik lokkattathe nti ilon lon othakka itti aul woppot ina thoporot thoKapik akin opiranok noka ana omerekethok.

2 Kurunthuc 4:7

Ana oron thaik ere makkolok tulluk imanneko thaꞌrthan thoKanang ikupupure alokene itti puꞌran empi ipaca polon appik paat noKapik ana okorronno oka nanïn.

2 Kurunthuc 8:9

Ana onon thina thoporot thoIli oIeccuo oMiccie itti kwokat papaꞌrthan anaruk kwothakkat paraco nti ilon lon othakka itti nthothakka paraco thung annothakka thaꞌrthan.

Apuccuc 3:16

Ana mpaꞌra ngaꞌrama itti nothaꞌrthan thothrïk thung akwopoꞌrie mïkït mon than mpuꞌran poKanang kung,

Apuccuc 3:8

Antoka manna itti mpokat potteik cannan ithoccokot lon loKapik nocïkït nti iul appik ioccokothe lon loKapik anaruk Kapik kethin thoporot enthi itti anongkene ul iakannoka woIouth thaꞌrthan ithaik iaMiccie ithakorronno omattat,

Pilippi 2:17

Thoccokot lon loIli nomïkït thon ana ngre ngon ngaik ere papu pothokinthok ngüccük cik. Ana ngüccük ngin ngonu itti nguntat cik mpapu pothokiot ngüccük cik. Ana amma mpiot menik ana mpapira noka ana oron thapira noka unnaththut.

Pilippi 4:4

Nopira noka noIli appinappin. Ana mpappiꞌre attang itti nopira noka.

Kulucci 1:24

Mpopirat noka amma anoccokot thiak nti ilon lon. Akka mpaik pamartto thoccokot thiak itha Miccie paik paccokinthet ul ioccokothe lon loIeccuo.

Kulucci 3:16

Alon loMiccie oka ianon ana nomïkït mon ana cannan amma anon ongkene ana ocimittaro llon iloporot nthinaik nti ica. Nongwo unye waꞌrama ana unye womocumur iapirie Kapik noka ana mmïkït mopiranet Kapik noka.

Atham iaine ul woThocculunukkia 1 1:6

Onon thinnikothenïn ana Ili oIeccuo, ana manna nthoccokot thiak, onon thaꞌrungkothe ithopira noka nthoccot lon loKapik nthopira noka itha Kanang ikupupure kethet non.

Atham iaine ul woThocculunukkia 1 5:16

Nopira noka appinappin.

1 Thimiththaoc 4:8

Akka liꞌrettat itti, “Thokuccet ka cik thonu thoporot tit thotte thathikkie thikkoik thoporot.” Anaruk thokuccekot cik llon loKapik thoporot llon appik, nothikkoik inenni ana nothikkoik ithanthan.

1 Thimiththaoc 6:18

Iꞌrethe ul iaaꞌrthan itti akin okkot lon iloporot, akin oka thoporot cannan llon iloporot ana ikket ul aꞌrupu nuthuk iakin thonu.

Ipranin 10:34

Onon thonat thiak thoul iokat cik ikorrkkor ana onon thoccokothe thiak onaththungon, ana onon thokat thopirat noka akka ul wonnekothenon aꞌrupu, onon thongothe itti ul wanekot aꞌrupu wonocapu anthella thiak then, akka onon thina nan itti onon thonu aꞌrupu tothiꞌrot iakannomattat thupuththuput.

Iakup 2:5

Pangkingon nantoccïkot, Kapik akkakannakkaro ul iella aꞌrupu cik nocapu ncik appik akothikkiekin aꞌrthani nthoccokot lon loKapik nomïkït ana opakket kin nongili ngorothiꞌrori ia kwapponekkenthet ul cik iongothoki?

1 Poththuruc 4:13

Anaruk nopira noka ana iththrako akka onon thaik thaccokot thiak onon oMiccie othakka itti annopira noka cannan amma thrïk thung thittakot ncik.

Thitto 2:9

Mpina nothiak ithanon thaik nan ana ella aꞌrupu cik anaruk onon thaaꞌrthan, mpina kꞌret koul iere itti okin ul woIouth anaruk okin thakannoka ul woIouth okin then thoul wonomuththun maꞌrama mopul pothopulut.

Thitto 21:7

Okkwion ithalkothe lon ilokithak, okin thapakkot nolon ana aꞌrupu enni appik ana mpaka Kapik ken ana okin thaka nyukul nyin.