2 Kurunthuc 5:4 - LON ILOPOROT LOKAPIK NATHAM NꞌREK NNONATHAM NOMAꞌROT

⁴ Akka nomaꞌri imaron thaik icüꞌrük enci, oron thaik thakwancot kathar ikanekot ton tothiꞌrot, akka oron thakarrnnangkot thikkoik cene nocapu anaruk oron thongothe itti oron thana thikkoik thorithiꞌrot, akka oron thongothe itti oron thakucitto ka engki ngka ikakinnio kirrkkir.

2 Kurunthuc 5:4 Iomraidhean Croise

Roma 8:23

Okorronno oka menik tulluk, anaruk oron ngka konnon ithonu Kanang koKapik, thaik thaccokot thiak aron thaik thaꞌrikot thelikkako thoka konnon cannan ana thoka konyukul nyoKapik.

1 Kurunthuc 15:51

Noccïkot aniꞌret non ilamuꞌruttakot ncik. Oron thakorrnno ille appik anaruk oron appik thaprttakoik akkaik

2 Kurunthuc 5:2

Nomaꞌri imaron thaik nocapu, oron thaik thakwancot kathar ikaron eo tothiꞌrot ngngin,

2 Kurunthuc 5:3

akka amma oron thiothe kathar ikaron eo ngngin tothiꞌrot, oron thana thikkoik.

2 Poththuruc 1:13

Loporot itti mpakorronno onon annokwarttikot cik inakka onon thaik ngkït thapat.